இலங்கை போக்குவரத்துச் சபை (SLTB) பேருந்துகள் குறுகிய தூரப் பயணங்களின்போது தேவையற்ற தேநீர் இடைநிறுத்தங்களை குறைக்கத் திட்டமிட்டுள்ளதாக அதன் தலைவர் சஜீவ கனகரத்ன தெரிவித்துள்ளார்.
கொழும்பு – கண்டி போன்ற குறுகிய தூரப் பேருந்து சேவைகளில் பயணிக்கும் தூரம் மற்றும் சேருமிடத்தைக் கருத்திற்கொண்டு இந்த நடவடிக்கை முன்னெடுக்கப்படும் என அவர் குறிப்பிட்டுள்ளார்.
எனினும், சாரதிகள் மற்றும் நடத்துநர்களின் தேவைகளும் கவனத்தில் கொள்ளப்படும் எனத் தெரிவித்த அவர், நீண்ட தூரப் பயணங்களின்போது சாரதிகளின் களைப்பைக் குறைத்து விபத்துகளைத் தடுப்பதற்காக இடைநிறுத்தங்கள் அவசியமாக இருக்கலாம் என்றும் சுட்டிக்காட்டியுள்ளார்.
இந்த நடைமுறையை விரைவில் அமுல்படுத்த இலங்கை போக்குவரத்துச் சபை திட்டமிட்டுள்ளதாகவும் அவர் மேலும் தெரிவித்துள்ளார்.
