இலங்கையின் தேசிய மற்றும் மாகாணப் பாடசாலைகளில் நிலவும் ஆசிரியர் வெற்றிடங்களை நிரப்புவதற்காக, இலங்கை ஆசிரியர் சேவைக்கு பட்டதாரிகளை இணைத்துக்கொள்ளும் 2026ஆம் ஆண்டுக்கான திறந்த மற்றும் மட்டுப்படுத்தப்பட்ட போட்டிப் பரீட்சையின் பெறுபேறுகள் வெளியிடப்பட்டுள்ளன.
சிங்களம், தமிழ் மற்றும் ஆங்கில மொழிமூலங்களில் நிலவும் ஆசிரியர் வெற்றிடங்களை நிரப்பும் நோக்கில் நடத்தப்பட்ட இப்பரீட்சையில், அடுத்தகட்ட நேர்முகப் பரீட்சைக்குத் தகுதிபெற்ற விண்ணப்பதாரர்களின் பெயர்ப் பட்டியலும் வெளியிடப்பட்டுள்ளது.
இந்த ஆட்சேர்ப்பு நடவடிக்கையின் ஊடாக நாடளாவிய ரீதியில் உள்ள தேசிய மற்றும் மாகாணப் பாடசாலைகளில் மொத்தம் 23,344 ஆசிரியர் வெற்றிடங்களை நிரப்புவதற்கு திட்டமிடப்பட்டுள்ளது.
எனவே, போட்டிப் பரீட்சைக்குத் தோற்றிய விண்ணப்பதாரர்கள் நேர்முகப் பரீட்சைக்குத் தெரிவாகியுள்ளார்களா என்பதை உரிய உத்தியோகபூர்வ இணையத்தளங்கள் ஊடாகச் சரிபார்த்துக்கொள்ளுமாறு அறிவுறுத்தப்படுகின்றனர்.
நேர்முகப் பரீட்சைக்குத் தெரிவானவர்கள், அடுத்தகட்ட நடவடிக்கைகள் தொடர்பான அறிவுறுத்தல்களையும் உத்தியோகபூர்வ அறிவிப்புகளையும் கவனமாகப் பின்பற்றுவது அவசியமாகும்.
