மஹாராஷ்டிரா மாநிலம் மும்பையின் ஜூஹூ பகுதியில், பொலிவுட் நடிகர் டைகர் ஷெராப் பயணித்த காரை இலக்கு வைத்து, மூன்று மோட்டார் சைக்கிள்களில் வந்த மர்மக் கும்பல் துப்பாக்கிச்சூடு நடத்தியுள்ளது.
இந்தத் தாக்குதலில் டைகர் ஷெராப் காயமின்றி உயிர் தப்பிய நிலையில், கார் ஓட்டுநர் உட்பட இருவர் காயமடைந்து வைத்தியசாலையில் அனுமதிக்கப்பட்டுள்ளனர்.
தப்பியோடிய சந்தேகநபர்களைக் கைது செய்ய 12 தனிப்படைகள் அமைக்கப்பட்டுத் தேடுதல் முன்னெடுக்கப்பட்டு வருகிறது.
இந்நிலையில், இந்தத் தாக்குதலுக்கு லோரன்ஸ் பிஷ்னோய் கும்பல் பொறுப்பேற்றுள்ளதாகவும், நடிகர் சல்மான் கானுடன் தொடர்பில் இருக்கும் திரையுலகினருக்கு எச்சரிக்கை விடுத்துள்ளதாகவும் தகவல்கள் தெரிவிக்கின்றன.
சம்பவம் தொடர்பில் பொலிஸார் தீவிர விசாரணைகளை முன்னெடுத்து வருகின்றனர்.
