பாராளுமன்றத்தில் முறையாக நடந்து கொள்ளாத உறுப்பினர்கள்மீது நடவடிக்கை எடுக்கும் அதிகாரம் வழங்கும் வரைவு அமைச்சரவையின் ஒப்புதலுக்காக சமர்ப்பிக்கப்படும் என ஜனா திபதி ரணில் விக்கிரமசிங்க தெரிவித்துள்ளார்.முன்னாள் சபாநாயகர் கரு ஜயசூரிய இந்த வரைவை தயாரித்துள்ளார் என்று ஜனாதிபதி தெரிவித்துள்ளார்.
கடந்த வாரம் பாராளுமன்றத்தில் இரண்டு சம்பவங்கள் இடம்பெற்றன என்று கூறிய ஜனாதிபதி பாராளுமன்றத்தில் மரியாதை, ஒழுக்கம் என்ற ஒன்று இல்லையா என்று மக்கள் கேள்வி
எழுப்புகின்றனர் என்றும் தெரிவித்தார். அத்துடன், பாராளுமன்றத்தின் ஒழுக்கம் மற்றும் கௌரவத்தை பாதுகாக்கும் வகையில் இங்கிலாந்தின் பாராளுமன்ற நிலைமைகள் தொடர்பில் அவதானம் செலுத்தி இந்த வரைவு தயாரிக்கப்பட்டுள்ளதாக ஜனாதிபதி ரணில் விக்கிரமசிங்க தெரிவித்தார்.
