அனலைதீவில் பாடசாலைப் பையினுள் மறைத்து சட்டவிரோத மதுபானத்தைக் கடத்திச் செல்ல முயன்ற 30 வயதுடைய ஒருவர் காவல்துறையினரால் கைது செய்யப்பட்டுள்ளார்.
வவுனியா, பூவரசன்குளம் பகுதியில் இருந்து பயணிகள் படகு மூலம் அனலைதீவுக்குக் கொண்டுவரப்பட்ட 1,500 மில்லிலீற்றர் சட்டவிரோத மதுபானமே இவ்வாறு கைப்பற்றப்பட்டுள்ளது.
காவல்துறையினருக்குக் கிடைத்த இரகசியத் தகவலின் அடிப்படையில் மேற்கொள்ளப்பட்ட சோதனையின்போது, சந்தேகநபர் கைது செய்யப்பட்டுள்ளார்.
கைது செய்யப்பட்டவர் அனலைதீவு ஏழாம் வட்டாரத்தைச் சேர்ந்தவர் எனவும், பூவரசன்குளம் பகுதியில் தங்கியிருந்து தொழில் புரிந்து வருபவர் எனவும் காவல்துறையினர் தெரிவித்துள்ளனர்.
கைப்பற்றப்பட்ட மதுபானத்துடன் சந்தேகநபரையும் நீதிமன்றத்தில் முன்னிலைப்படுத்துவதற்கான நடவடிக்கைகள் மேற்கொள்ளப்பட்டுள்ளன.
சம்பவம் தொடர்பான மேலதிக விசாரணைகளை அனலைதீவு காவல்துறையினர் முன்னெடுத்து வருகின்றனர்.
