தீபத் திருநாளாம் தீபாவளி பண்டிகையினை முன்னிட்டு நாடளாவிய ரீதியில் உள்ள ஆலயங்களில் இன்று சிறப்பு வழிபாடுகள் நடைபெற்று வருகின்றன.
அந்த அடிப்படையில் கிழக்கிலங்கையின் வரலாற்று சிறப்புமிக்க மட்டக்களப்பு அருள்மிகு ஸ்ரீ மாமாங்கேஸ்வரர் ஆலயத்திலும் இன்றைய தினம் தீபத்திருநாள் விசேட பூஜை இன்று காலை இடம்பெற்றன .
மாமாங்கேஸ்வரர் ஆலயத்தின் பிரதமகுரு சிவஸ்ரீ ஆதிசௌந்தரராஜ குருக்கள் தலைமையில் இன்றைய சிறப்பு பூஜைகள் ஆரம்பமானத்துடன், நாட்டிற்கும் நாட்டு மக்களுக்கும் ஆசிவேண்டியும், நாட்டில் ஏற்பட்டுள்ள இன்னல்கள் நீங்கி நாடு சுபீட்சம் அடையவும், சிறப்பு யாகம் மற்றும் அபிசேகம் நடைபெற்றது.
நரகாசூரன் அழிந்து மக்கள் அருள் என்னும் ஒளியைப்பெற்றது போன்று நாட்டில் உள்ள தீமைகள் அழிந்து நாடு சுபீட்சம் அடைய இன்றைய தினம் சிறப்பு வழிபாடுகள் நடைபெற்றன. இன்றைய தீபாவளி சிறப்பு வழிபாடுகளில் ஆயிரக்கணக்கான அடியார்கள் கலந்து கொண்டமை சிறப்பம்சமாகும்.
