பொம்மை ஒன்றைத் திருமணம் செய்துகொண்ட ஒரு பெண், தான் இரண்டாவது முறையாக கர்ப்பமாக இருப்பதாகக் கூறி பரபரப்பை ஏற்படுத்தியதுடன், அதைக் கொண்டாட, பார்ட்டியும் நடத்தியுள்ளார்.
பிரேசில் நாட்டவரான Meirivone Rocha Moraes (37), தனக்கு சரியான ஜோடி கிடைக்கவில்லை என தனது தாயிடம் கூறி வருத்தப்பட்டதால், அவருக்கு ஒரு ஆளுயர பொம்மையை கணவனாகக் கொடுத்தார் அவரது தாய்.
Marcelo என்று அழைக்கப்படும் அந்த பொம்மைக் கணவன் வந்ததிலிருந்து, Moraes செய்யும் அலப்பறைக்கு அளவே இல்லாமல் போய்விட்டது.
தனக்கும் Marceloவுக்கும் ஒரு ஆண்குழந்தை பிறந்துள்ளதாகக் கூறி, சலசலப்பை உருவாக்கியிருந்தார் அவர்.
இந்நிலையில் தான் இரண்டாவது முறை கர்ப்பமாக இருப்பதாகக் கூறி, தன் நண்பர்கள், குடும்பத்தாருக்கு ஒரு பெரிய பார்ட்டி ஏற்பாடு செய்துள்ளார் Moraes.
பார்ட்டியின்போது, தனக்கு பெண் குழந்தை பிறக்க இருப்பதாக அறிவித்தார் அவர். ஏற்கனவே ஒரு ஆண் குழந்தை இருப்பதால், தன் கணவர் பெண் குழந்தைக்கு ஆசைப்பட்டதாகவும், அவர் ஆசைப்படியே இப்போது தான் பெண் குழந்தை ஒன்றை கருவில் சுமப்பதாகவும் கூறியுள்ளார் Moraes.
சில மாதங்களுக்கு முன் தனக்கு தன் கணவர் துரோகம் செய்துவிட்டதாகவும் கூறி Moraes பரபரப்பை ஏற்படுத்தியது குறிப்பிடத்தக்கது.
