பொலிஸாரின் பல தடைகளையும் மீறிய வகையில் கொட்டும் மழையிலும் மட்டக்களப்பு மாவட்டத்தில் மாவீரர் தின நிகழ்வுகள் உணர்வெழுச்சியுடன் நடைபெற்றது.
மட்டக்களப்பு மாவடிமுன்மாரி மாவீரர் துயிலும் இல்லத்தில் பொலிஸாரின் பல்வேறு தடைகளுக்கும் மத்தியில் மாவீரர் தின நிகழ்வு ஆயிரக்கணக்கான மக்கள் ஒன்று கூடி உணர்வு பூர்வமாக நடைபெற்றது.
மழைக்கு மத்தியிலும் மாவீர் ஒருவரின் தாய் பிரதான ஈகச்சுடர் ஏற்ற, ஏனையவர்கள் அனைவரும் ஈகச்சுடர் ஏற்றி அகவணக்கம் செலுத்தினார்கள்.
இதன்போது அஞ்சலி செலுத்தும் இடத்திற்குள் சப்பாத்துக் கால்களுடன் பொலிஸார் நுழைந்து குறித்த தீபங்கள் ஏற்றமுடியாது என கூறிய போதிலும் அங்கு கடுமையான எதிர்ப்பு தெரிவிக்கப்பட்டது.
அத்துடன் பொலிஸார் சப்பாத்துக்கால்களுடன் நுழைந்தமை தொடர்ந்து அங்கிருந்த மததத்தலைவர்கள்,மாவீரர்களின் பெற்றோர் உறவினர்களினால் கடுமையான எதிர்ப்பு தெரிவிக்கப்பட்டது.
