பாராளுமன்ற உறுப்பினர்களான கஜேந்திரகுமார் பொன்னம்பலம், செல்வராஜா கஜேந்திரன் ஆகியோர்களை மயிலத்தமடு, மாதவனை சிங்கள மக்கள் வழிமறித்து திருப்பி அனுப்பிய சம்பவம் ஒன்று இடம்பெற்றுள்ளது.
இது தொடர்பில் தெரியவருவதாவது,
இன்று (15) காலை மட்டக்களப்பு மாவட்டம் மாதவனை,மயிலத்தமடு மேய்ச்சல் தரை விவகாரம் தொடர்பாக கால்நடை பணியாளர்கள் எதிர்நோக்கி வரும் பிரச்சனைகள் குறித்தும் பாராளுமன்ற உறுப்பினர்களான கஜேந்திரகுமார் பொன்னம்பலம், செல்வராஜா கஜேந்திரன்ஆகியோர் நேரடி கள விஜயம் ஒன்றினை மேற்கொள்வதற்காக மயிலாதமடு, மாதவனை பகுதியை நோக்கி பயணித்துள்ளார்.
இவ்வாறான சூழ்நிலையில் அம்பிட்டிய தேரர் தலைமையிலான பெரும்பான்மை இனத்தைச் சேர்ந்தவர்கள், குறித்த பாராளுமன்ற உறுப்பினர்களின் வாகனத்தை மேய்ச்சல் தரைக்கு செல்லும் பாலத்தின் குறுக்காக மரத்தினை போட்டு,வழிமறித்து தடுத்து நிறுத்தியுள்ளனர்.
இதன்போது தமிழ் சிங்கள மக்களின் இன நல்லுறவை சீர் கெடுக்கும் முகமாக வடக்கில் இருந்து வருகை தந்துள்ளதாக தெரிவித்து கூச்சலிட்டும், தகாத வார்த்தை பிரயோகங்களும் பாராளுமன்ற உறுப்பினர்கள் மீது பயன்படுத்தப்பட்டதாக தெரிவிக்கப்பட்டுள்ளது.
