6 மாத சிசு ஒன்று புதைக்கப்பட்டதாக கூறப்படும் சம்பவம் ஒன்று தேக்கவத்தை பிரதேசத்தில் பதிவாகியுள்ளது.
இது தொடர்பில் தெரியவருவதாவது,
தம்புத்தேகம தேக்கவத்த பிரதேசத்தில் இரண்டு பிள்ளைகளின் தாயொருவர் கணவரை பிரிந்து தனது பிள்ளைகளுடன் தனியாக வசித்து வந்ததாகவும், கலதிவுல்வெவ பிரதேசத்தில் உள்ள 44 வயதுடைய ஒரு பிள்ளையின் தந்தை ஒருவருடன் தொடர்பு வைத்திருந்ததாகவும் பொலிஸாரின் ஆரம்பகட்ட விசாரணைகளில் தெரியவந்துள்ளது.
இதனால் அவர் கர்ப்பமாகி கருவை கலைத்த பின் யாருக்கும் தெரியாமல் புதைத்துள்ளது தெரியவந்துள்ளது. சந்தேகநபர் தம்புத்தேகம, தேககாவத்தை பிரதேசத்தில் வசிக்கும் 32 வயதுடைய இரண்டு பிள்ளைகளின் தாயாவார்.
கர்ப்பிணிப் பெண்ணுக்கு குழந்தை பிறந்துள்ளதாகவும், ஆனால் அவரது குழந்தை அங்கு இல்லை என யாரென்று தெரியாத தொலைபேசி அழைப்பை தம்புத்தேகம பொலிஸாருக்கு வந்ததையடுத்து சம்பவம் தொடர்பில் விசாரணைகள் ஆரம்பிக்கப்பட்டுள்ளது.
அந்த தகவலின் அடிப்படையில் மேற்கொள்ளப்பட்ட விசாரணைகளின் போது தம்புத்தேகம பொலிஸார் கரு புதைக்கப்பட்ட இடத்தையும் கண்டுபிடிக்க முடிந்ததாக தெரிவிக்கப்படுகிறது.
சம்பவம் தொடர்பில் சந்தேகநபர் பெண்ணும் அவரது முறைகேடான கணவரும் கைது செய்யப்பட்டு தம்புத்தேகம நீதவான் நீதிமன்றில் ஆஜர்படுத்தப்பட்ட பின்னர் ஜனவரி 02 ஆம் திகதி வரை விளக்கமறியலில் வைக்குமாறு உத்தரவிடப்பட்டுள்ளது.
