மட்டக்களப்பு கல்வி வலயத்தில் புலமைப்பரிசில் பரீட்சையில் சாதனை படைத்த சாதனையாளர்களை பாராட்டும் விழா இன்று நடைபெற்றது. மட்டக்களப்பு கல்வி வலய அலுவலகத்தின் ஏற்பாட்டில், மட்டக்களப்பு கல்வி வலயத்திற்குற்பட்ட ஆரம்ப பிரிவு பாடசாலைகளில் தரம் ஐந்து புலமைப் பரிசில் பரீட்சையில்
சாதனை படைத்த மாணவர்களை பாராட்டி கௌரவிக்கும் முகமாகவும், மாணவர்களை ஊக்குவிக்கும் நிகழ்வாகவும் சாதனையாளர் பாராட்டு நிகழ்வு மட்டக்களப்பு புனித சிசிலியா பெண்கள் தேசிய பாடசாலையில் நடைபெற்றது .
2023 ஆம் ஆண்டு நடாத்தப்பட்ட தரம் ஐந்து புலமைப் பரிசில் பரீட்சையில் சாதனை படைத்த சாதனையாளர்கள் சான்றிதழ்களும், வெற்றிக்கிண்ணங்களும் வழங்கி கௌரவிக்கப்பட்டனர். மட்டக்களப்பு வலயக்கல்விப் பணிப்பாளரும், மாகாண கல்வி பணிப்பாளருமான சுஜாதா குலேந்திர குமார் தலைமையில் நடைபெற்ற நிகழ்விற்கு பிரதம விருந்தினராக, மாவட்ட அரசாங்க அதிபர் ஜி.ஜி முரளிதரன், திறந்த பல்கலைக்கழக சிரேஸ்ட விரிவுரையாளர் கே.ஞானரெட்ணம், ஓய்வுநிலை கோட்டக் கல்வி பணிப்பாளர் இரவிசந்திரா, உதவி கல்விப்பணிப்பாளர்கள், ஆசிரியர்கள் என பலர் கலந்துகொண்டனர் நிகழ்வில் மாணவர்களின் கலை நிகழ்வுகளும் இடம்பெற்றமை குறிப்பிடத்தக்கது.
