வாடகை வண்டி சேவையை வழங்கும் நிறுவனத்தில் பணிபுரிபவரென கூறி போதைப்பொருள் கடத்தலில் ஈடுபட்டவர் விசேட அதிரடிப்படையினரால் கைது செய்யப்பட்டுள்ளார்.
யுக்திய நடவடிக்கையின் போது மேற்கொள்ளப்பட்ட சோதனையில் சந்தேக நபர் 25 கிராம் நிறையுடைய ஐஸ் போதைப்பொருளுடன் கைது செய்யப்பட்டுள்ளார்.
சந்தேக நபரிடத்தில் மேற்கொள்ளப்பட்ட விசாரணையில் கிருலப்பனை மற்றம் பன்னிப்பிட்டி பிரதேசங்களில் மறைத்து வைத்திருந்த 332 கிராம் 800 மில்லிகிராம் ஐஸ் போதைப்பொருள், 50 கிராம் 300 மில்லிகிராம் ஹெரோயின் போதைப்பொருள் மற்றும் 97 தோட்டாக்கள் கைப்பற்றப்பட்டுள்ளன.
இவர் துபாய் நாட்டில் மறைந்து வாழும் பிரபல பாதாள உலக குற்றவாளியான “பாபி” என்ற களுத்துறை தினேஷ் ஷியமந்த டி சில்வா என்பவருடன் தொடர்பில் இருப்பவர் என விசாரணையில் தெரியவந்துள்ளது.
