சீரற்ற காலநிலை காரணமாக ஒத்தி வைக்கப்பட்ட தென்னிந்திய பாடகர் ஹரிஹரனின் மாபெரும் இசை நடன திருவிழா எதிர்வரும் பெப்ரவரி மாதம் 9 ஆம் திகதி நடைபெறவுள்ளது.
தென்னிந்திய திரையுலக நடட்சத்திரங்கள் பங்குபெறும் இந்த விழா, யாழ் மாநகரைில் இயங்கி வரும் SLIIT மற்றும் NORTHERNUNI ஆகிய கல்வி நிறுவனங்களால் ஏற்பாடு செய்யப்பட்டுள்ளது.
இதன்படி, யாழ் முற்றவெளி மைதானத்தில் எதிர்வரும் 9 ஆம் திகதி மாலை 6 மணிக்கு குறித்த நிகழ்வு நடைபெறவுள்ளதாக மேற்குறிப்பிட்ட கல்வி நிறுவனங்கள் வெளியிட்டுள்ள அறிக்கையில் குறிப்பிடப்பட்டுள்ளது.
அந்த அறிக்கையில் மேலும் தெரிவிக்கப்பட்டுள்ளதாவது, “இந்த நிகழ்வின் இலவச உள்நுழைவுகளுக்கான பதிவுகள் இதுவரை 38 ஆயிரத்தை தாண்டியுள்ளது.
எனினும், இனிவரும் காலங்களிலும் குறித்த நிகழ்வில் பங்குபற்ற விரும்புபவர்கள் எமது இணையத்தளத்தின் ஊடாக இலவசப் பதிவுகளை மேற்கொள்ள முடியும் என தெரிவிக்கப்பட்டுள்ளது.
