மாவனெல்லை நகர் ஊடாக பஸ்ஸில் பயணித்த பெண்ணொருவரின் சுமார் 4 இலட்சம் ரூபாய் பெறுமதியான தங்க நகைகளை அபகரித்து தப்பியோடிய பெண் ஒருவர் கைது செய்யப்பட்டுள்ளதாக மாவனெல்லை பொலிஸார் தெரிவித்தனர்.
சந்தேக நபரும் முறைப்பாட்டாளரும் நேற்று மாலை (17) ஒரே பஸ்ஸில் பயணித்தபோது, மாவனெல்லை போகஸ் சந்திக்கு அருகில், சந்தேக நபர் முறைப்பாட்டாளரின் தங்க நகைகளை அபகரித்துக் கொண்டு பஸ்ஸிலிருந்து இறங்கி தப்பி ஓடியபோது பஸ் சாரதி, நடத்துனர் மற்றும் அங்கிருந்த மக்கள் அவரை துரத்திப் பிடித்து பொலிஸில் ஒப்படைத்துள்ளனர்.
கைது செய்யப்பட்ட சந்தேக நபர் கொச்சிக்கடை தண்டுவகொடுவ பிரதேசத்தை சேர்ந்தவர் என பொலிஸார் தெரிவித்தனர்.
