“அவளுடைய பலம் நாட்டிற்கு முன்னேற்றம்” எனும் தொனிப்பொருளில் ம,தெ,மேற்கு பட்டிப்பளை பிரதேச செயலகப் பிரிவின் மகளிர் தின நிகழ்வுகள் இன்று (12) இடம்பெற்றது.
அதன் அடிப்படியில் ம,தெ,மேற்கு பட்டிப்பளை பிரதேச செயலகப் பிரிவின் பிரதேச செயலாளர் திரு எஸ்,சுதாகர் அவர்களின் வழிகாட்டலில் “போதை பாவனையினை தடை செய்வோம்” என்னும் பெண்களின் பேரணி ஒன்றும் நடைபெற்றது. இது கொக்கட்டிச்சோலை சந்தியில் இருந்து பட்டிப்பளை பிரதேச செயலகம் வரை இடம்பெற்றது .
இந் நிகழ்வானது உதவிப் பிரதேச செயலாளர் திருமதி புவிக்குமார் மேனகா அவர்களின் தலைமையிலும், சமுர்த்தி வங்கிச் சங்க முகாமையாளர், (சமூக அபிவிருத்தி) சமுர்த்தி அபிவிருத்தி உத்தியோகத்தர் மற்றும் கொக்கட்டிச்சோலை மாவடிமுன்மாரி சமுர்த்தி வங்கி வலய பிரிவு சமுர்த்தி அபிவிருத்தி உத்தியோகத்தர்கள், CBO அபிவிருத்தி உத்தியோகத்தர் மற்றும் கொக்கட்டிச்சோலை சமுர்த்தி வங்கியின் கட்டுப்பாட்டுச் சபை தலைவர், நிருவாக உறுப்பினர்கள், CBO தலைவர்கள், பயனாளிகள் என பலரின் பங்குபற்றலுடன் நடைபெற்றிருந்தமை குறிப்பிடத்தக்கது.
