நேற்று (20) திறந்த நீதிமன்றில் இடம்பெற்ற சொத்து தகராறு தொடர்பாக வழக்கு விசாரணையின் போது நீதிமன்றத்தை அவமதிக்கும் வகையில் உண்மைகளை முன்வைத்ததாக குற்றம் சுமத்தப்பட்ட சட்டத்தரணி ஒருவரின் சட்டநடவடிக்கையை இடைநிறுத்தி உரிய விசாரணை முடியும் வரை விளக்கமறியலில் வைக்குமாறு உயர் நீதிமன்றம் உத்தரவிட்டுள்ளது.
ஜயதுங்க படபந்தியின் சட்டத்தரணி சுசில் பிரியந்த ஜயதுங்க இவ்வாறு விளக்கமறியலில் வைக்கப்பட்டுள்ளார். நீதிமன்ற அவமதிப்பு மற்றும் சட்டத்தரணிகளின் தொழில் நெறிமுறைகளை மீறியமைக்காக அவருக்கு எதிராக இரண்டு குற்றப்பத்திரிகைகளை தயாரித்து நீதிமன்றத்தில் சமர்ப்பிக்குமாறு சட்டமா அதிபருக்கு பணிப்புரை விடுக்கப்பட்டது.
அந்த நபரின் மனநலம் குறித்து பரிசோதித்து, அது தொடர்பான அறிக்கையை நீதிமன்றத்தில் சமர்பிப்பதற்காக மனநல மருத்துவரிடம் ஆஜர்படுத்துமாறு சிறைச்சாலை அத்தியட்சகருக்கு உத்தரவிடப்பட்டது.
மேலும் இந்த நபரின் உடல்நிலையை பரிசோதிக்க அவரை சட்ட வைத்திய அதிகாரிக்கு அனுப்புமாறு சிறைச்சாலை அத்தியட்சகருக்கு உத்தரவிட்டார்.
இதையடுத்து அவரை ஏப்ரல் 3ஆம் திகதி மீண்டும் உயர் நீதிமன்றத்தில் ஆஜர்படுத்த சிறை கண்காணிப்பாளருக்கு உத்தரவிடப்பட்டது.
பிரிதி பத்மன் சூரசேன, காமினி அமரசேகர மற்றும் குமுதுனி விக்கிரமசிங்க ஆகியோர் அடங்கிய உயர் நீதிமன்ற நீதிபதிகள் அடங்கிய அமர்வு இந்த உத்தரவுகளை வழங்கியுள்ளது.
