டயனா கமகே குறித்து எழுந்துள்ள மற்றுமொரு குற்றச்சாட்டு!

முன்னாள் சுற்றுலாத்துறை இராஜாங்க அமைச்சர் டயனா கமகே பயன்படுத்திய அமைச்சுக்கு சொந்தமான நான்கு வாகனங்களையும் உடனடியாக கையளிக்குமாறு அறிவிக்கப்பட்டும், அவை இதுவரை கையளிக்கப்படவில்லை என சுற்றுலாத்துறை அமைச்சு தெரிவித்துள்ளது.

நான்கு வாகனங்களையும் மே மாதம் 08 ஆம் திகதி அமைச்சிடம் ஒப்படைக்குமாறு சுற்றுலாத்துறை அமைச்சு அறிவித்துள்ளது.

இதுவரை ஒப்படைக்கப்படாத வாகனங்களில் டிஸ்கவரி ஜீப், கெப் வண்டி, பிராடோ ஜீப் மற்றும் கார் ஒன்றும் காணப்படுகின்றது.

இவற்றில் கெப் வண்டியானது விபத்துக்குள்ளான காரணத்தினால் குருணாகல் பொலிஸ் பாதுகாப்பில் இருப்பதாக தெரியவந்துள்ளது.