தேசிய வெசாக் வாரத்தினை முன்னிட்டு ஜனாதிபதியின் பொதுமன்னிப்பின் கீழ் சிறைச்சாலைகளில் உள்ள சில சிறைக்கைதிகளை விடுதலை செய்யும் நடவடிக்கைகள் நாடெங்கிலும் உள்ள சிறைச்சாலைகளில் இன்று( 23) காலை நடைபெற்றன.
அதன் அடிப்படையில் மட்டக்களப்பு சிறைச்சாலையிலிருந்தும் 07 அரசியல் கைதிகளுக்கு விடுதலை வழங்கப்பட போதிலும், அதில் இருவர் வேறு குற்றங்களுக்காக மீண்டும் சிறையில் அடைக்கப்பட்டனர்.
சிறுகுற்றங்களில் தண்டப்பணம் செலுத்தமுடியாமல் சிறையிலிருந்தவர்களுக்கே இந்த பொது மன்னிப்பு வழங்கப்பட்டிருந்ததுடன், மட்டக்களப்பு சிறைச்சாலை அத்தியட்சகர் நல்லையா பிரபாகரனின் முன்னிலையில் குறித்த கைதிகள் விடுதலை செய்யப்பட்டிருந்தமையும் குறிப்பிடத்தக்கது.
