வெளியாகிய வர்த்தமானி அறிவிப்பின்படி, நேற்று முதல் (01.06.2023) உள்நாட்டு இறைவரி திணைக்களத்தில் பின்வரும் தரப்பினர்கள் பதிவு செய்வது கட்டாயமாக்கப்பட்டுள்ளது.

*இலங்கை மருத்துவ கவுன்சிலில் பதிவு செய்த மருத்துவர்கள்

*இலங்கை பட்டயக் கணக்காளர்கள் நிறுவகத்தின் பதிவு செய்யப்பட்ட உறுப்பினர்கள்

*இலங்கையின் சான்றளிக்கப்பட்ட முகாமைத்துவ கணக்காளர் நிறுவகத்தின் உறுப்பினர்கள் 5.இலங்கை பொறியியல் நிறுவனத்தின் உறுப்பினர்கள்

*இலங்கை வங்கியாளர்கள் சங்கத்தின் உறுப்பினர்கள்

*இலங்கை கட்டிடக் கலைஞர்கள் சங்கத்தின் உறுப்பினர்கள்

*இலங்கையின் அளவு ஆய்வாளர்கள் நிறுவனத்தின் உறுப்பினர்கள்

*உயர் நீதிமன்ற வழக்கறிஞர்கள் 10. பிரதேச செயலாளரின் கீழ் வணிகங்களை பதிவு செய்த நபர்கள்

*மோட்டார் வாகனத் திணைக்களத்தில் பதிவு செய்யப்பட்ட வாகனங்களைக் கொண்ட நபர்கள் (முச்சக்கர வண்டிகள், மோட்டார் சைக்கிள்கள் மற்றும் கை உழவு இயந்திரங்கள் தவிர)

*இலங்கையில் ஒரு அசையாச் சொத்தை வாங்கிய அல்லது வாங்கியவர்கள் மற்றும் பத்திரத்தை மாற்றியவர்கள்

*ஊழியர் / பணியாளர் இரு தரப்பிலிருந்தும் மாதாந்தம் ரூ. 20,000-க்கு மேல் பங்களிப்புத் தொகையை ஏதேனும் ஒரு பணிக்கொடை நிதிக்கு உரிமையுள்ள பணியாளர்கள்

*உள்ளூர் அதிகாரசபையிடமிருந்து கட்டிட அனுமதித் திட்டத்தைப் பெற்ற எவரும்

*இலங்கையில் வருடாந்தம் ரூ.1,200,000 அல்லது ரூ.100,000 மாதச் சம்பளம் பெறும் வேறு எவரேனும் பதிவு செய்வது கட்டாயமாக்கப்பட்டுள்ளது.

இந்த அறிவித்தலின் அடிப்படையில் இலங்கையில் வாழுகின்ற அனைவருமே உள்நாட்டு இறைவரி திணைக்களத்தில் பதிவு செய்து வரிசெலுத்த வேண்டியவர்களாக மாறுகின்றார்கள் என்று ஒரு பொது மகன் கருத்து தெரிவித்தார்.