தலங்கம பொலிஸ் பிரிவுக்கு உட்பட்ட பிரதேசத்தில் ஐஸ் போதைப்பொருளுடன் சந்தேக நபரொருவர் நேற்றுமுன்தினம் ஞாயிற்றுக்கிழமை (11) மாலை கைது செய்யப்பட்டுள்ளதாக தலங்கம பொலிஸார் தெரிவித்தனர்.
தலங்கம பொலிஸாருக் கிடைத்த இரகசியத் தகவலின் அடிப்படையில் மேற்கொள்ளப்பட்ட சுற்றிவளைப்பின் போதே சந்தேக நபர் கைது செய்யப்பட்டுள்ளார்.
கைதுசெய்யப்பட்ட சந்தேக நபர் பத்தரமுல்ல பிரதேசத்தைச் சேர்ந்த 41 வயதுடையவர் ஆவார்.
சந்தேக நபரிடமிருந்து 10 கிராம் 400 மில்லிகிராம் ஐஸ் போதைப்பொருள் கைப்பற்றப்பட்டுள்ளதாக பொலிஸார் தெரிவித்தனர்.
இது தொடர்பான மேலதிக விசாரணைகளை தலங்கம பொலிஸார் மேற்கொண்டு வருகின்றனர்.
