கட்டுப்பணம் செலுத்துவது இன்றுடன் நிறைவு!

இலங்கை ஜனாதிபதி தேர்தலுக்கு தயாராகி வரும் நிலையில், இதுவரை 32 வேட்பாளர்கள் தங்களது கட்டுப்பணத்தை செலுத்தியுள்ளதாக தேர்தல் ஆணையம் உறுதி செய்துள்ளது.

இதன்படி கட்டுப்பணத்தை செலுத்துவதற்கான காலக்கெடு இன்று (14) நண்பகல் 12 மணியுடன் நிறைவடையவுள்ளதாக தெரிவிக்கப்படுகிறது.

ஒகஸ்ட் 15ஆம் திகதி வரை உத்தியோகபூர்வமாக வேட்புமனுக்கள் ஏற்றுக்கொள்ளப்படுமென்றும், முன்வைக்கப்படவுள்ள வேட்புமனுக்கள் மீதான ஆட்சேபனைகளுக்கு காலை 9 மணி முதல் 11.30 மணி வரை குறிப்பிட்ட கால அவகாசம் ஒதுக்கப்பட்டுமென்றும் தேர்தல் ஆணையத்தின் தலைவர் ஆர்.எம்.ஏ.எல். ரத்நாயக்க தெரிவித்தார்.