இன்று (15) நாட்டின் ஒன்பதாவது ஜனாதிபதியை தெரிவு செய்யும் மனுத்தாக்கல் நிகழ்வுகள் கொழும்பு தேர்தல் அலுவலகத்தில் நடைபெற்றது.
அதன் அடிப்படையில் எதிர்கட்சி தலைவரும், ஐக்கிய மக்கள் சக்தியின் தலைவருமான சஜித் பிரமதாஸ அவர்களும் வேட்பு மனுவை தாக்கல் செய்தார்.
இதற்கமைவாக மட்டக்களப்பு மாவட்ட பட்டிருப்பு தொகுதியில் அமைந்துள்ள குருக்கள் மடம் பகுதி பிரதான ஐக்கிய மக்கள் சக்தி கட்சி காரியாலயத்தில் இவ் மனுதாக்கல் மற்றும் தேர்தல் தொடர்பான விசேட கலந்துரையாடல் இடம்பெற்றது.
ஐ.ம.சக்தியின் மாவட்ட தலைவரும், பட்டிருப்பு தொகுதி அமைப்பாளருமான சோ.கணேசமூர்த்தி அவர்களின் ஏற்பாட்டில் நடைபெற்ற இந்நிகழ்வில், ஐ.ம.சக்தியின் மாவட்ட முகாமைபாளர் சிறீஸ்குமார் அவர்களும், ஐ.ம.ச மட்டக்களப்பு மாவட்ட பிரதான செயலாளர் ஜோன் கெனத் ஆகியோர் பிரதம அதிதியாக கலந்து கொண்டிருந்தனர்.
அதேசமயம் பிரதேச அமைப்பாளர்கள், பிரச்சார அமைப்பாளர்கள், மகளீர் அமைப்பாளர்கள், இளைஞர் அணி அமைப்பாளர்கள், ஊடக அமைப்பாளர்கள், ஆதரவாளர்கள் மற்றும் துமக்கள் ஆகியோர்களும் பிரசண்ணமாகியிருந்தனர்.
