தமிழ்த் தேசியப் பொதுக்கட்டமைப்பின் ஏற்பாட்டில், ஜனாதிபதி தேர்தல் 2024 இல் தமிழ்ப் பொதுவேட்பாளராக களமிறங்கியுள்ள பா.அரியநேத்திரனுக்கு ஆதரவு வழங்குவது என தமிழரசுக் கட்சியில் தீர்மானம் எடுக்ப்பட்டுள்ளது.
தமிழரசுக் கட்சியின் திருகோணமலை மாவட்டக் குழுவில் இவ்வாறு தமிழ்ப் பொதுவேட்பாளரை ஆதரித்து சங்கு சினத்தில் வாக்களிப்பதென ஏகமனதாக தீர்மானத்துள்ளது.
ஜனாதிபதி தேர்தல் தொடர்பில் இன்று (29) வியாழக்கிழமை காலை 10 மணிக்கு இலங்கை தமிழரசு கட்சியின் திருகோணமலை அலுவலகத்தில் திருக்கோணமலை மாவட்ட பாராளுமன்ற உறுப்பினர் குகதாசன் மற்றும் உள்ளூராட்சி மன்ற உறுப்பினர்களிடையே கலந்துரையாடல் இடம் பெற்றது.
இதன்போது ஜனாதிபதி தேர்தலில் யாரை ஆதரிப்பது தொடர்பில் நீண்ட விவாதம் இடம்பெற்றிருந்தது. கலந்துரையாடலிலன் இறுதியில் ஒருமித்த முடிவாக தமிழ் பொது வேட்பாளரை ஆதரித்து சங்கு சின்னத்துக்கு வாக்களிப்பது என்ற முடிவினை எடுத்துள்ளனர்.
இலங்கை தமிழரசு கட்சி ஜனாதிபதி தேர்தல் தொடர்பில் இதுவரை முடிவினை அறிவிக்காதுள்ள நிலையில், தமிழரசு கட்சி பாராளுமன்ற உறுப்பினர் சுமந்திரன் தரப்பினர் வேட்பாளர்கள் தேர்தல் விஞ்ஞாபனத்தை வெளியிட்ட பின்னர் அவற்றை பரிசீலித்து முடிவினை அறிவிக்கலாம் என தெரிவித்து வருகின்றனர்.
இதேவேளை கட்சியின் தலைவர் மாவை சேனாதிராசா, பாராளுமன்ற உறுப்பினர் சி.சிறீதரன் உள்ளிட்ட தரப்பினர் தமிழ்ப் பொதுவேட்பாளருக்கு வெளிப்படையாகவே ஆதரவினையும் தெரிவித்து வருகின்றனர்.
இந்நிலையில் திருக்கோணமலை மாவட்ட இலங்கை தமிழரசு கட்சி மட்டத்தில் தமிழ்ப் பொதுவேட்பாளரை ஆதரிப்பது என ஏகமனதாக தீர்மானம் எடுத்துள்ளமை குறிப்பிடத்தக்கது.
