கனடாவில் மாணவர்களுக்கு மலிவான விலையில் வீடு வாடகைக்கு கிடைக்கும் இடங்கள்!

2024-ஆம் ஆண்டில் இந்திய மற்றும் இலங்கை மாணவர்களுக்கான முதல் 5 மலிவான கனேடிய நகரங்கள் அடையாளப்படுத்தப்பட்டுள்ளன.

கனடாவை பொறுத்த வரையில் இலங்கை, இந்தியா மற்றும் ஏனைய நாடுகளில் இருந்து மாணவர்கள் கல்வித் தேவைகளுக்காக செல்வது வழமையான விடயமாகும்.

எனினும் அங்கு கல்விச் செலவை நிர்வகிப்பது ஒரு கடினமான பணியாக இருக்கும். உயர் கல்வித் தரங்கள் மற்றும் வரவேற்கத்தக்க சூழலுக்கு புகழ்பெற்ற கனடா, தரமான கல்வி மற்றும் செலவு-திறன் ஆகியவற்றை சரியான கலவையில் வழங்கும் பல நகரங்களைக் கொண்டுள்ளது.

மாண்ட்ரீல் நகரம் QS World University Rankings 2024-இல் மிகவும் மலிவான நகரமாக பட்டியலில் 75வது இடத்தைப் பிடித்துள்ளது.

இந்த நகரம் அதன் பொருளாதார வாழ்க்கைச் செலவுகளுக்கு மட்டுமல்ல, அதன் மதிப்புமிக்க பல்கலைக்கழகங்களுக்கும் தனித்து நிற்கிறது.

அந்தவகையில் 2024-ஆம் ஆண்டில் இந்திய மற்றும் இலங்கை மாணவர்களுக்கான முதல் 5 மலிவான கனேடிய நகரங்கள் எவையென பார்க்கலாம்.

1) மொன்றியல், குபெக்
மொன்றியல், அதிக மாணவர்களுக்கான உயர்தர கல்வி மற்றும் வாழ்க்கை அனுபவத்தை வழங்குகிறது.

இங்கு, McGill பல்கலைக்கழகம், Université de Montréal, Concordia பல்கலைக்கழகம் போன்ற பல்கலைக்கழகங்கள் உள்ளன.

மொன்றியலில் ஓர் அறை வீட்டு வாடகை மாதத்திற்கு CAD 1,300 முதல் 1,700 வரை செலவாகும்.

2) ஷெர்ப்ரூக், குபெக்
மொன்றியலிலிருந்து 160 கிலோமீட்டர் தொலைவில் உள்ள ஷெர்ப்ரூக் , கல்வித் தரத்தை இழக்காமல் குறைந்த செலவைக் கொண்டுள்ளது.

Sherbrooke Univeesité de Sherbrooke மற்றும் Bishop’s University போன்ற புகழ்பெற்ற பல்கலைக்கழகங்கள் இங்குள்ளன.

இங்கு மாணவர்கள் மாதம் CAD 800க்கு வீடு வாடகைக்கு எடுக்கமுடியும்.

3) ஒட்டாவா, ஒன்ராறியோ
கனடாவின் தலைநகர் ஒட்டாவா, உயர்தர கல்வி தரத்தை வழங்குவதோடு, மிதமான வாழ்க்கைச் செலவுகளையும் கொண்டுள்ளது.

ஒட்டாவா பல்கலைக்கழகம் மற்றும் கார்லேடன் பல்கலைக்கழகம் ஆகியவை ஒட்டாவாவில் உள்ள சிறந்த நிறுவனங்களில் ஒன்றாகும், அவற்றின் வலுவான கல்வித் திட்டங்களுக்கு பெயர் பெற்றவை. இங்கு மாதத்திற்கு CAD 1,200க்கு வீடு வாடகைக்கு கிடைக்கிறது.

4) மொன்க்டன், நியூ பிரன்சுவிக்
மொன்க்டன் நகரத்தில், மான்க்டன் நியூ பிரன்சுவிக் பல்கலைக்கழகம் மற்றும் மான்க்டன் பல்கலைக்கழகம் போன்ற சிறந்த பல்கலைக்கழகங்கள் உள்ளன.

இங்கு ஒரு அறை வீட்டு வாடகை மாதம் CAD 800க்கு கிடைக்கின்றது.

5) வினிபெக், மானிடோபா
வினிபெக் நகரம் மாணவர்களுக்கு விலையுயர்ந்த வாழ்க்கையைத் தவிர்த்து தரமான கல்வி மற்றும் வாழ்வு அனுபவத்தை வழங்குகிறது.

மனிடோபா பல்கலைக்கழகம் மற்றும் வின்னிபெக் பல்கலைக்கழகம் ஆகியவை நகரத்தின் முன்னணி கல்வி நிறுவனங்களில் ஒன்றாகும், அவற்றின் வலுவான கல்வித் திட்டங்களுக்கு பெயர் பெற்றவை.

இங்கு மாத வாடகை CAD 900 முதல் 1,200 வரை உள்ளது. இந்த நகரங்கள் இந்தியா, இலங்கை போன்ற பல வெளிநாட்டு மாணவர்களுக்கு உயர் தரமான கல்வியையும், குறைந்த செலவிலும் வாழ்க்கையை மேற்கொள்ள உதவுகின்றன.