மட்டக்களப்பு ஏறாவூர் பொலிஸ் பிரிவுக்குட்பட்ட வந்தாறுமூலை பிரதான வீதியில் நேற்றைய தினம் (02) இடம்பெற்ற விபத்தில் ஒருவர் உயிரிழந்துள்ளார்.
மட்டக்களப்பு சந்திவெளிப் பகுதியை சேர்ந்த 31 வயதுடைய ஆணொருவரே இவ்வாறு உயிரிழந்துள்ளார்.
உயிரிழந்தவர் செங்கலடிப் பகுதியிலிருந்து சந்திவெளி நோக்கி சென்ற வேளையே இவ்விபத்து இடம்பெறுள்ளது.
மோட்டார்சைக்கிளும், உழவு இயந்திரமும் மோதியதிலேயே இவ்விபத்து இடம்பெறுள்ளது. அதேசமயம் உழவு இயந்திர சாரதி வாகனத்தை நிறுத்தாமல் சென்றுள்ளார் எனவும் பொலிஸார் தெரிவித்தனர்.
உயிரிழந்தவரின் சடலம் ஏறாவூர் ஆதராவைத்தியசாலையில் வைக்கப்பட்டுள்ளது.
இச் சம்பவம் தொடர்பான மேலதிக விசாரணைகளை ஏறாவூர் பொலிஸார் மேற்கொண்டு வருகின்றனர்.
