நாட்டில் போலி நாணயத்தாள்கள்; பொலிஸார் திடீர் சுற்றி வளைப்பு!

ஜந்தாயிரம் ரூபா போலி நாணயத்தாள்கள், 23 உடன், மூன்று சந்தேக நபர்களை அக்குரஸ்ஸ பொலிஸார் கைது செய்துள்ளனர்.

அக்குரஸ்ஸ நகரில் போலி நாணயத்தாள்களை கொடுத்து பொருட்களை கொள்வனவு செய்ய முயற்சிப்பதாக அக்குரஸ்ஸ பொலிஸாருக்கு கிடைத்த தகவலின் அடிப்படையில் மேற்கொள்ளப்பட்ட சுற்றிவளைப்பில் சந்தேக நபர் ஒருவர் கைது செய்யப்பட்டுள்ளார்.

அங்கு அக்குரஸ்ஸ மரம பிரதேசத்தை சேர்ந்த 25 வயதுடைய சந்தேக நபரிடமிருந்து ஜந்தாயிரம் ரூபா போலி நாணையத்தாள்கள், 3 கைப்பற்றப்பட்டுள்ளது.

சந்தேக நபரிடம் மேற்கொள்ளப்பட்ட விசாரணைகளின் போது மேலும் இருவர் போலி நாணயத்தாள்களை சந்தேக நபருக்கு வழங்கியுள்ளதாக பொலிஸார் தெரிவித்தனர்.

இதன்படி, கைது செய்யப்பட்ட சந்தேகநபர் மேலும் பணத்தை கொண்டு வருமாறு அந்த நபர்களுக்கு தொலைபேசி அழைப்பு விடுத்துள்ளார்.

தொலைபேசி அழைப்பின் பேரில், மோட்டார் சைக்கிளில் வந்த இருவர் 20 போலி நாணயத்தாள்களை கைமாற்றும் போது கைது செய்யப்பட்டுள்ளனர்.

இவர்கள் அஹங்கம பொலிஸ் பிரிவில் வசிக்கும் 33 மற்றும் 25 வயதுடைய தொழிலாளர்கள் எனவும்,

போலி நாணயத்தாள்களை வைத்திருந்தமை மற்றும் பணப் புழக்கம் தொடர்பில் மேலதிக விசாரணைகளை மேற்கொண்டு வருவதாகவும் பொலிஸார் தெரிவித்தனர்.

இதேவேளை, கம்பஹா பொலிஸ் பிரிவிற்குட்பட்ட மகவிட்ட பிரதேசத்தில் நேற்று (28) பிற்பகல் போலி நாணயத்தாள்களுடன் சந்தேகநபர்கள் இருவர் கைது செய்யப்பட்டதாக பொலிஸ் ஊடகப் பேச்சாளர் அலுவலகம் தெரிவித்துள்ளது.

அவரிடம் நடத்திய விசாரணையில், போலி ரூபாய் நோட்டுகளை கொடுத்த நபரையும் போலீசார் கைது செய்துள்ளனர்.

500 ரூபாயின் 12 போலி நாணயத்தாள்கள், மடிக்கணினி, பணம் அச்சடிக்கப் பயன்படுத்தப்பட்ட பிரிண்டர் என்பன பொலிஸாரால் கைப்பற்றப்பட்டுள்ளன.