பலாங்கொடை தஹமன பிரதேசத்தில் உள்ள வீடொன்றில் மாமனாருக்கும் மருமகனுக்கும் இடையில் ஏற்பட்ட வாக்குவாதத்தில் மருமகன் உயிரிழந்துள்ளதாக பலாங்கொடை பொலிஸார் நேற்று வெள்ளிக்கிழமை (11) தெரிவித்தனர்.
உயிரிழந்தவர் பலாங்கொட தம்மானே பகுதியைச் சேர்ந்த 44 வயதான மூன்று பிள்ளைகளின் தந்தை என பொலிஸார் தெரிவித்தனர்.
மருமகனின் தலையில் அடிபட்டதன் காரணமாகவே இவர் உயிரிழந்துள்ளதாக பலாங்கொடை பொலிஸார் தெரிவித்தனர்.
இது தொடர்பில் மேலும் தெரியவருவதாவது,
உயிரிழந்தவர் குடும்பத் தகராறு காரணமாக மனைவியைத் தாக்கச் செல்லும் போது மனைவியின் தந்தை வாய்த்தகராறு காரணமாக கட்டையால் தாக்கி தடுக்க முயன்றதாக விசாரணையில் தெரியவந்துள்ளது.
அவரை தாக்கிய 65 வயதுடைய சந்தேக நபரான மனைவியின் தந்தை , பலாங்கொடை பொலிஸார் கைது செய்துள்ளனர்.
