இலங்கை – நெதர்லாந்து இன்று பலப்பரீட்சை!

மேற்கிந்தியத் தீவுகளுக்கு எதிராக ஹராரேயில் வெள்ளிக்கிழமை நடை பெற்ற உலகக் கிண்ண தகுதிகாண்
சுற்றின் கடைசி சுப்பர் 6 போட்டியில் 8 விக்கெட்களால் இலங்கை அமோக வெற்றியீட்டியது.
மஹீஷ் தீக்னவின் 4 விக்கெட் குவியல் ஆரம்ப வீரர்களான பெத்தும் நிஷங்க குவித்த சதம் திமுத் கருணாரட்னவின் அரைச் சதம் என்பன இலங்கையின் வெற்றியை சுலபப்படுத்தின.இதன் மூலம் தாகுதிகாண் சுற்றில் முதல் சுற்று மற்றும் சுப்பர் 6 சுற்றில் 7ஆவது தொடர்ச்சியான வெற்றியை ஈட்டி தோல்வி அடையாத ஒரே ஒரு அணியாக இன்று ஞாயிற்றுக்கிழமை நடைபெறவுள்ள உலகக் கிண்ணப்
போட்டிக்கான தகுதியாளர் 1 மற்றும் தகுதியாளர் 2 அணிகளைத் தீர்மானிக்கும் இறுதிப் போட்டியில் நெதர்லாந்தை இலங்கை இன்று 09 எதிர்த்தாடவுள்ளது.

இந்தியாவில் நடைபெறவுள்ள உலகக் கிண்ண கிரிக்கெட் போட்டியில் இலங்கை அணியினர் பங்குபற்றவுள்ளது.மேற்கிந்தியத் தீவுகளுக்கு எதிரான உலகக் கிண்ண தகுதிகாண் சுப்பர் 6 போட்டியில் தனஞ்சய டி சில்வா வனிந்து ஹசரங்க ஆகிய இருவருக்கும் ஓய்வு கொடுக்கப்பட்டு துஷான் ஹேமன்தவும் சஹான் ஆராச்சிகேயும் இலங்கை அணியில் இணைத்துக் கொள்ளப்பட்டனர்.