பாடசாலை கல்வி மற்றும் தகவல் தொடர்புக்கு சமூக ஊடக சாதனங்களை பயன்படுத்துவது தொடர்பாக கல்வி, அறிவியல் மற்றும் தொழில்நுட்ப அமைச்சகம் விசேட சுற்றறிக்கை ஒன்றை வெளியிட்டுள்ளது.
குறித்த அமைச்சின் செயலாளர் ஜே.எம்.டி.ஜெயசுந்தர இது தொடர்பான சுற்றறிக்கையை கல்வி அதிகாரிகள் உட்பட அனைத்து அதிபர்களுக்கும் அனுப்பி வைத்துள்ளதாக கூறப்படுகிறது.
கோவிட்-19 தொற்றுநோய் காரணமாக பாடசாலை மாணவர்களுக்கு விடுபட்ட கல்வி வாய்ப்புகளை மறைப்பதற்காக வாட்ஸ்அப், வைபர் மற்றும் டெலிகிராம் போன்ற சமூக ஊடக சாதனங்களின் பயன்பாடு தொடங்கப்பட்டது.
இந்த நிலையில், மாணவர்கள் இன்னும் குறித்த சமூக ஊடக சாதனங்களை பயன்படுத்தி வருவதாக சுற்றறிக்கையில் தெரிவிக்கப்பட்டுள்ளது.
இதனால் ஏற்படும் பாதகமான விளைவுகள் குறித்து தற்போது அமைச்சகத்திற்கு தகவல் பதிவாகி வருவதாகவும் அதில் கூறப்பட்டுள்ளது.
அதன்படி, அனைத்து ஆசிரியர்களுக்கும் தொடர்புடைய தரப்பினருக்கும் தகவல் தொடர்பு கருவிகளைப் பயன்படுத்தும் போது குறித்த சுற்றிக்கையின் வழிமுறைகளைப் பின்பற்றுமாறு அறிவிக்கப்பட்டுள்ளது.
இது தொடரப்பில் அந்த சுற்றறிக்கையில் தெரிவிக்கப்படுவதாவது,
- பாடசாலை அதிபர்/பிரதி அதிபர்/உதவி அதிபர்/பிரிவுத் தலைவர் குறித்த தகவல் தொடர்பினை (Whatsapp போன்றவை) நிர்வாகியாகச் (Admin) செயல்படுவதன் மூலம் தொடர் கண்காணிப்பு மற்றும் ஒழுங்குமுறையின் கீழ் தொடர்பாடல் சமூகத்தை தரமான அளவில் பராமரிக்க வேண்டும்.
- கல்வி நடவடிக்கைகளுக்காக ஒதுக்கப்படும் பாடசாலை நேரத்தை அதிகபட்சமாக பயன்படுத்த வேண்டும் மற்றும் பாடத்திட்டத்தை உள்ளடக்கிய கற்றல் கற்பித்தல் செயல்முறையை நேரடியாக்க வேண்டும் மற்றும்
பாடத்திட்டத்தை உள்ளடக்கிய தகவல்தொடர்பு சமூக பயன்பாடு தவிர்க்கப்பட வேண்டும். - கல்வி நோக்கங்களுக்காக தகவல் தொடர்பு செயலிகள் பயன்படுத்தப்பட்டால், வசதியான தொழில்நுட்ப உபகரண வசதிகள் இல்லாத மாணவர்களுக்கு சிரமம் ஏற்படாத வகையில் கற்றல் மற்றும் கற்பித்தல் செயல்முறை நடைபெறுவதை உறுதிசெய்ய சிறப்பு முறைகள் பின்பற்றப்பட வேண்டும்.
- குறிப்பாக ஆரம்பப் பிரிவில் உள்ள மாணவர்கள் பாடசாலைக்கு கொண்டு வர வேண்டிய கற்றல் பொருட்களைப் பற்றி பெற்றோருக்குத் அறிவிக்க முறையான திட்டத்துடன் போதுமான கால அவகாசம் பெற்றோர்களுக்கு வழங்கப்பட வேண்டும்.
- தகவல்தொடர்பு உள்ளீடுகளின் பயன்பாட்டை நினைவூட்டல் பரிந்துரைகளுக்கு மட்டுமே கட்டுப்படுத்துவது பொருத்தமானது.
- மாணவர்கள் வீட்டில் செய்ய வேண்டிய பயிற்சிகள் மற்றும் பணிகளை பாடசாலை வகுப்பறை கற்றல் மற்றும் கற்பித்தல் செயல்பாட்டின் போது விளக்குவதன் மூலம் மட்டுமே செய்யப்பட வேண்டும்
- பெற்றோர்கள் மற்றும் பிற குடும்ப உறுப்பினர்களுக்கு பாதிப்பை ஏற்படுத்தும் வகையில் மேலே குறிப்பிட்ட தொடர்பாடல் செயலிகளை பயன்படுத்தக்கூடாது
- பொதுவாக, இதுபோன்ற தகவல் தொடர்பு செயலிகளை பயன்படுத்தும் போது, மாணவர்களின் தனியுரிமைக்கு தீங்கு விளைவிக்கும் மற்றும் மன அழுத்தத்திற்கு உள்ளாக்கும் செய்திகள், வீடியோக்கள், புகைப்படங்கள், ஓடியோக்கள், அறிவிப்புகள் போன்றவற்றை அனுப்பக்கூடாது
- , இவ்வாறான சம்பவங்கள் பதிவாகும் பட்சத்தில் கல்வி அமைச்சு இது தொடர்பில் கடுமையான ஒழுக்காற்று நடவடிக்கைகளை மேற்கொள்ளும்.
- கல்வி வளர்ச்சி மற்றும் கடமைகள் தொடர்பான தகவல் தொடர்பு செயலி பயன்பாட்டுக்கு மேலதிகமாக, முறைசாரா வகையில் பாடசாலை சமூகம் மற்றும் ஆசிரியர்களை தொடர்பு கொண்டு பராமரிக்கப்படும் தகவல் தொடர்பு செயலிகளால் , பாடசாலையின் நற்பெயருக்கு அல்லது பாடசாலை சமூகம் மற்றும் மாணவர்களுக்கு ஏற்படக்கூடிய பாதிப்பு தொடர்பில் சம்பந்தப்பட்ட குழுக்களின் நிர்வாகிகள்(Admin) முழு பொறுப்பையும் ஏற்க வேண்டும்.
- இது தொடர்பில் ஏதேனும் பிரச்சினைகள் ஏற்பட்டால் நாட்டில் உள்ள பொதுவான சட்டம் மற்றும் தகவல் தொடர்பாடல் சட்டத்தின்படி சட்ட நடவடிக்கைகள் எடுக்கப்படும்.இது தொடர்பில் ஏதேனும் பிரச்சினைகள் ஏற்பட்டால் நாட்டில் உள்ள பொதுவான சட்டம் மற்றும் தகவல் தொடர்பாடல் சட்டத்தின்படி சட்ட நடவடிக்கைகள் எடுக்கப்படும்.
