மட்டக்களப்பு பாலமீன்மடு விக்னேஸ்வரா வித்தியாலயத்தில் மாணவர்களை கெளரவிக்கும் நிகழ்வு நேற்று (18) நடைபெற்றது. பாடசாலை அதிபர் பி.ஜனகன் தலைமையில் நடைபெற்ற இந்த கொளரவிப்பு நிகழ்வில், தேசிய மட்ட தமிழ்தினம் மற்றும் கர்நாடகா சங்கீதம், கிராமிய பாடல் ஆகிய போட்டிகளில் சாதனை படைத்த மணவர்கள் மற்றும் மணவர்களை பயிற்றுவித்த ஆசிரியர்கள் கெளரவிக்கப்பட்டனர்.
தேசிய மட்ட கர்நாடகா சங்கீதம், கிராமிய பாடல் போட்டியில் இரண்டாம் இடத்தினை பெற்று பாடசாலை வரலாற்றில் சாதனை படைத்து பாடசாலைக்கு பெருமை சேர்த்துள்ளனர்.
நிகழ்வில் மட்டக்களப்பு வலயக் கல்வி அலுவலக இனை பாடவிதான கல்வி அபிவிருத்தி பிரதி கல்வி பணிப்பாளர் என்.குகதாசன், கர்நாடகா சங்கீத ஆசிரியர் ஆலோசகர் சிவாந்தினி விமலதர்சன், பாடசாலை இனைபாடவிதான மேம்பாட்டு இணைப்பாளர் ஹேமா தில்லைவாசன், வித்தியாலய பிரதி அதிபர்கள், ஆசிரியர்கள், மாணவர்கள், பெற்றோர்கள் என பலர் கலந்து கொண்டனர்.
