தற்போது திருகோணமலையில் நிலவும் சீரற்ற காலநிலையின் காரணமாக உயர்தர பரீட்சைக்கு செல்ல சிரமப்படும் மாணவர்களுக்கு இலவசமாக முச்சக்கர வண்டி சேவையினை வழங்க ராஜ்காந்த் என்னும் நபர் ஒருவர் முன்வந்துள்ளார்.
மரக்கறி வியாபாரம் மற்றும் கூலித்தொழிலில் செய்யும் ராஜ்காந்த், இந்த சீரற்ற வானிலை நிலவுகின்ற காலத்தில் பரீட்சை ஆரம்பித்துள்ளதனால் வரிய மாணவர்களுக்கு தன்னால் முடிந்த உதவியை செய்யும் நோக்கில் இந்த சேவையை ஆரம்பித்துள்ளார்.
திருகோணமலையில் வரிய மாணவர்கள் யாரும் பரீட்சைக்கு செல்வதில் சிரமமான சூழல் ஏற்பட்டால் 0742052005 – ராஜ்காந்த் என்ற இலக்கத்திற்கு தொடர்பு கொள்வதனூடாக முடியுமான உதவிகளை பெறலாம் என தெரிவிக்கப்பட்டுள்ளது.
தனது வாழ்க்கைக்காக நாளாந்த கூலித்தொழிலில் ஈடுபட்டுவரும் குறித்த நபர் இவ்வாறான மனிதாபிமான செயற்பாட்டை செய்ய முன்வந்துள்ளமைக்கு battinaatham ஊடகம் மனமார்ந்த நன்றிகளை தெரிவித்துக் கொள்கின்றது.
