பேனா, பென்சில் வாங்கப் பணமின்றிய நிலையில் அவற்றைத் திருடிய குற்றச்சாட்டின் கீழ் மாணவனொருவர் கைது செய்யப்பட்டுள்ளார்.
இந்தச் சம்பவம் வெலிமடை , டவுண்ட்சைட் தோட்டத்தில் நடைபெற்றுள்ளது.
டவுண்ட்சைட் தோட்டத்தின் யஹலஅராவ பாடசாலையில் கல்வி கற்கும் 12 வயதான பாடசாலை மாணவன் ஒருவரே இவ்வாறு கைது செய்யப்பட்டுள்ளார்.
டவுண்ட் சைட் தோட்டத்தில் பூட்டியிருந்த கடையொன்றின் பின்புற கதவை உடைத்து உள்நுழைந்து 30 பேனைகள், 10 பென்சில்களை திருடியதாக அவர் மீது குற்றம் சாட்டப்பட்டுள்ளது.
திருடப்பட்ட பொருட்களின் மதிப்பு 1150 ரூபாய் என்று பொலிஸார் தெரிவித்துள்ளனர்.
சம்பவம் தொடர்பில் ஊவா பரணகம பொலிஸார் மேலதிக விசாரணைகளை மேற்கொண்டுள்ளனர்.
