தலவாக்கலை – கிரேட்வெஸ்டர்ன் மலை உச்சியில் அனுமதியின்றி முகாமிட இடமளிக்க வேண்டாம்
என்று நுவரெலியா மாவட்ட செயலாளர் நந்தன கலபட, வன பாதுகாப்பு மற்றும் வனவிலங்கு
அதிகாரிகளுக்கு பணிப்புரைவிடுத்துள்ளார்.
இனம் தெரியாத பெண்ணின் சடலம் ஒன்று கல்கந்தை மலை உச்சி சரிவு பகுதியில் காணப்பட்டமை
தொடர்பில் லிந்துலைமற்றும் தலவாக்கலை பொலிஸாருக்கு 1 ஆம் திகதி மாலை தகவல்
கிடைத்துள்ளது இதனையடுத்து இனந்தெரியாத பெண்ணின் சடலம் இராணுவத்தின் உதவியுடன்
புதன்கிழமை (02) மாலை மீட்க்கப்பட்டுள்ளதை அடுத்து நுவரெலியாமாவட்ட செயலாளர்
இந்த பணிப்புரையை விடுத்துள்ளார்.
பெண்ணின் சடலத்தை பிரேத பரிசோதனைக்கு அனுப்புமாறு நுவரெலியாபதில் நீதவான் ஜே.
அம்பகஹவத்த லிந்துல காவல்துறையினருக்கு உத்தரவு பிறப்பித்துள்ளதுடன் இந்த
சம்பவத்தில் சடலமாக மீட்க்கப்பட்ட பெண்தொடர்பில் விசாரணைகள்
முன்னெடுத்து நீதிமன்றத்திற்கு அறிக்கை சமர்ப்பிக்குமாறு நீதவான் பொலிஸாருக்கு உத்தரவு
பிறப்பித்தமையும் குறிப்பிடத்தக்கது குறித்த பெண் ஒருவர் அல்லது சில தரப்பினருடன்
மலை உச்சியை அடைந்துள்ளதாகவும், சில காரணங்களால் அவர் உயிர்இழந்ததையடுத்து அவர்கள்
தப்பிச் சென்றுள்ளதாகவும் பொலிஸார் குறிப்பிட்டுள்ளனர்.
இதேவேளை, கிரேட்வெஸ்டர்ன் மலை உச்சியில் இருந்து சடலத்தை எடுத்துவரச்சென்ற இராணுவ
கோப்ரல் ஒருவரும் திடீர்சுகயீனம் காரணமாக உயிரிழந்துள்ளதாக பொலிஸார் தெரிவித்தனர்.
மற்றும் உயிரிழந்த பெண் 40-45 வயதுடைய பெண் எனவும், இடது கையில் மதுசங்க என்ற பெயர் பச்சைகுத்தியிருந்ததாகவும் பிரேத பரிசோதனையில் இருந்து தெரியவந்துள்ளது.
