ஸ்மார்ட்போன், லேப்டாப் போன்ற பொருட்கள் மீதான வரி விதிப்புக்கு அமெரிக்க ஜனாதிபதி டொனால்ட் டிரம்ப் வரி விலக்கு அளித்துள்ளார்.
அமெரிக்க ஜனாதிபதியாக டொனால்ட் ட்ரம்ப் பதவியேற்ற பிறகு, பல அதிரடி அறிவிப்புகளை வெளியிட்டு வருகிறார்.
அந்த வகையில் கடந்த ஏப்ரல் 2ம் திகதி இந்தியா,சீனா, பிரித்தானியா மற்றும் கனடா உட்பட பல்வேறு உலக நாடுகளுக்கு பரஸ்பர வரிகளை அறிவித்து அதிர்ச்சியை ஏற்படுத்தினார்.
அமெரிக்காவின் வரி விதிப்பு நடவடிக்கைக்கு சீனா தொடர்ந்து பதிலடி கொடுத்து வருகிறது, இதையடுத்து சீனா மீதான வரியை ̀145% மாக உயர்த்தி டிரம்ப் உலக வர்த்தகத்தில் பரபரப்பை ஏற்படுத்தி வருகிறார்.
இந்நிலையில், ஜனாதிபதி டிரம்ப் விதித்துள்ள பரஸ்பர வரிகளில் இருந்து ஸ்மார்ட்போன்கள் மற்றும் கணினிகள் உள்ளிட்ட சில குறிப்பிட்ட மின்னணு பொருட்களுக்கு விலக்கு அளித்து அறிவிக்கப்பட்டுள்ளது.
அமெரிக்காவின் சுங்க மற்றும் எல்லை பாதுகாப்பு துறை வெளியிட்ட அறிவிப்பில், இதுவரை 20 பொருட்கள் பட்டியலிடப்பட்டுள்ளன.
இவற்றில் அரை கடத்திகள் அடிப்படையிலான மின்னணு கருவிகள், தரவுகள் சேமிப்பு கருவிகள் உள்ளிட்ட பொருட்கள் இந்தப் பட்டியலில் உள்ளன.
