இங்கிலாந்தில் சிறப்பு நாணயம் வெளியீடு!

இங்கிலாந்து ராணி 2ஆம் எலிசபெத் கடந்த ஆண்டு செப்டெம்பர் மாதம் உடல்நலக்குறைவால் காலமானார்.

அதனை தொடர்ந்து அவரது மூத்த மகனான இளவரசர் சார்லஸ் மன்னராக அரியனை ஏறினார்.

அவர் 3ஆம் சார்லஸ் என அழைக்கப்படுகிறார். மன்னர் சார்லசின் அதிகாரப்பூர்வ முடிசூட்டு விழா கடந்த மே மாதம் 6 ஆம் திகதி லண்டனில் கோலாகலமாக நடந்தது.

இந்த நிலையில் மன்னர் சார்லசின் முடிசூட்டை குறிக்கும் வகையில் சிறப்பு நாணயம் வெளியிடப்பட்டுள்ளது.

மன்னரின் உருவம் பொறிக்கப்பட்ட 50 பென்ஸ்(pence) நாணயத்தை, இங்கிலாந்து நாணயங்களை அதிகாரப்பூர்வமாக தயாரிக்கும் ‘தி ரோயல் மின்ட்’ நிறுவனம் நேற்று வெளியிட்டது. இந்த நாணயம் உடனடியாக புழக்கத்துக்கு வரும் என ‘தி ரோயல் மின்ட்’ நிறுவனம் தெரிவித்துள்ளது.