மட்டக்களப்பில் வெளிநாடு அனுப்புவதாக கூறி ஒரு கோடி ரூபாய் பணத்தை மோசடி செய்த போலி முகவர் ஒருவரை வெளிநாட்டு வேலைவாய்ப்பு பணியக அதிகாரிகள் வீட்டை சுற்றிவளைத்து கைது செய்துள்ளனர்.
மட்டக்களப்பு அமிர்தகழி பிரதேசத்திலுள்ள போலி முகவர் ஒருவர் வெளிநாட்டில் தொழில் பெற்றுத்தருவதாக கூறி ஒருநபரிடம் 450000 ஆயிரம் ரூபா வீதம் 22 பேரிடம் சுமார் ஒரு கோடி ரூபா பணமோசடி செய்த குற்றச்சாட்டில் இன்று ஞாயிற்றுக்கிழமை (13) கொழும்பில் இருந்து வந்த வேலைவாய்ப்பு பணியகத்தினரால் அந்த போலி முகவர் கைது செய்யப்பட்டுள்ளார்.
ஏமாற்றப்பட்டவர்களில் இருவரின் குற்றச்சாட்டுக்கு அமையவே வெளிநாட்டு வேலைவாய்ப்பு பணியக அதிகாரிகள் மட்டக்களப்பு தலமையப பொலிசாரின் உதவியுடன் குறித்த போலி முகவரை கைது செய்து மட்டு தலைமையக பொலிஸ் நிலையத்துக்கு கொண்டு சென்றுள்ளனர்.
அதேசமயம் போதுமான விசாரணைகளின் பின்னர் அவரை நீதிமன்றில் ஆஜர்படுத்த நடவடிக்கை எடுக்கப்பட்டுள்ளதாக பொலிசார் தெரிவித்தனர்.
