இறந்துபோன கவந்தியஸ்த யானையின் சம்பவத்திலிருந்து பாடங்களைக் கற்றுக்கொண்டு, நாட்டில் எஞ்சியுள்ள யானைச் சொத்துக்களைப் பாதுகாப்பதற்குப் பிரத்தியேகமான ஒருங்கிணைந்த திட்டமொன்றை உருவாக்க வேண்டும் என எதிர்க்கட்சித் தலைவர் சஜித் பிரேமதாஸ தெரிவித்துள்ளார்.
நேற்று (26) நடைபெற்ற காலநிலை மாற்றம் தொடர்பான பாராளுமன்றத் துறைசார் மேற்பார்வைக் குழுக் கூட்டத்தில் கலந்துகொண்டு உரையாற்றியபோதே அவர் இதனைத் தெரிவித்துள்ளார்.
யானைகளைப் பாதுகாப்பதற்காக அவற்றை மையப்படுத்திய விசேட வேலைத்திட்டமொன்றை நடைமுறைப்படுத்த வேண்டியதன் அவசியத்தை வலியுறுத்திய அவர், 1990 அவசர மருத்துவ சேவையைப் போன்ற நடமாடும் சேவையொன்றை யானைகளின் பாதுகாப்புக்காகவும் உருவாக்க முடியுமா எனக் கேள்வியெழுப்பினார்.
யானைகளைப் பாதுகாப்பதற்காகப் பிரத்தியேகமான வேலைத்திட்டமொன்றைச் செயற்படுத்துமாறு வனஜீவராசிகள் திணைக்களத்திடம் பிரேரிப்பதாகவும் அவர் குறிப்பிட்டார்.
நாட்டின் யானை வளங்களைப் பாதுகாப்பதற்கு அனைத்துத் தரப்பினரையும் உள்ளடக்கிய ஒருங்கிணைந்த திட்டமொன்று அவசியம் எனச் சுட்டிக்காட்டிய சஜித் பிரேமதாஸ, கவந்தியஸ்த யானையின் சம்பவத்தை ஒரு பாடமாகக் கொண்டு, எதிர்காலத்தில் இதுபோன்ற சம்பவங்கள் மீண்டும் நிகழாமல் தடுப்பதற்கான நடவடிக்கைகளை முன்னெடுக்க வேண்டும் என்றும் வலியுறுத்தினார்.
