தீபாவளிக்கு முன்பே தோட்டத் தொழிலாளர்களின் சம்பளம் வழங்கப்பட வேண்டும்; செந்தில் தொண்டமான் கோரிக்கை

இவ்வருடம் நவம்பர் 8ஆம் திகதி தீபாவளிப் பண்டிகை கொண்டாடப்படவுள்ள நிலையில், தோட்டத் தொழிலாளர்களின் மாதாந்த சம்பளம் மற்றும் தீபாவளி முற்பணத்தை நவம்பர் 6ஆம் திகதிக்கு முன்பதாக வழங்க நடவடிக்கை எடுக்குமாறு இலங்கை முதலாளிமார் சம்மேளனத்திடம் (Employers’ Federation of Ceylon – EFC) இலங்கைத் தொழிலாளர் காங்கிரஸின் தலைவர் செந்தில் தொண்டமான் கோரிக்கை
விடுத்துள்ளார்.

தமிழ் மக்களின் முக்கியமான பண்டிகைகளில் ஒன்றான தீபாவளியைத் தோட்டத் தொழிலாளர்கள் மகிழ்ச்சியுடனும் சிறப்புடனும் கொண்டாடுவதற்கு ஏதுவாக, அவர்களின் மாதாந்த சம்பளம் மற்றும் முற்பணம் ஆகியவற்றை முன்கூட்டியே வழங்குவது அவசியம் என அவர் வலியுறுத்தியுள்ளார்.

எனவே, தோட்டத் தொழிலாளர்களின் நலனைக் கருத்திற்கொண்டு, தீபாவளிப் பண்டிகைக்கு முன்னதாக நவம்பர் 6ஆம் திகதிக்கு முன்பதாக சம்பளத்தையும், தீபாவளி முற்பணத்தையும் வழங்குவதற்கு உரிய நடவடிக்கைகளை மேற்கொள்ளுமாறு செந்தில் தொண்டமான் கோரிக்கை விடுத்துள்ளார்.