தற்போது நிலவும் சில மருந்துகளின் பற்றாக்குறைக்கு அரசு முன்வைக்கும் குற்றச்சாட்டு

2024 ஆம் ஆண்டில் முறையான திட்டமிடலுடன் மருந்துகள் கொள்வனவு செய்யப்படாமையே தற்போது நிலவும் சில மருந்துகளின் பற்றாக்குறைக்குக் காரணம் என்று சுகாதார மற்றும் வெகுஜன ஊடக அமைச்சர் நளிந்த ஜயதிஸ்ஸ தெரிவித்தார்.

2025 ஆம் ஆண்டிற்கான மருந்துகளை வாங்குவதற்காக 2024 ஆம் ஆண்டின் முதல் ஐந்து மாதங்களில் 67 வகையான மருந்துகளுக்கு மட்டுமே கேள்வி பத்திரங்கள் கேள்விப்பத்திரங்கள் கோரப்பட்டன, என்பது இங்கு குறிப்பிடத்தக்கது. கொழும்பில் சனிக்கிழமை (24) நடைபெற்ற வைபவம் ஒன்றில் கலந்து கொண்ட போதே அமைச்சர் இதனை தெரிவித்தார்.

கடந்த சில வருடங்களாக கொள்முதல் நிறுத்தப்பட்டிருந்த 233 வகையான மருந்துகளுக்கான கேள்வி பத்திரங்கள்கேராப்பட்டுள்ளதாகவும் தற்போது வழங்கப்பட்டுள்ளதாகவும், இந்த ஆண்டின் முதல் 5 மாதங்களில், 2025 ஆம் ஆண்டுக்குள் 233 வகையான மருந்துகளுக்கான கொள்முதல் செயல்முறையை அரச மருந்தகக் கூட்டுத்தாபனம் நிறைவு செய்துள்ளதாகவும் அமைச்சர் மேலும் தெரிவித்தார்.

அரசு மருத்துவமனை அமைப்பில் பயன்படுத்தப்படும் மருந்துகளில் 65% நாட்டிற்கு இறக்குமதி செய்யப்படுகின்றன என்றும், 35% இலங்கையில் தயாரிக்கப்படுகின்றன என்றும், மருந்துகளை வழங்கும் செயல்முறை மிகவும் சிக்கலான பணியாகும், இது ஆரம்ப கட்டத்திலிருந்து மருந்துகளைப் பெறுதல் மற்றும் விநியோகம் செய்வதற்கு சுமார் 9 மாதங்கள் ஆகும் என்றும் அமைச்சர் கூறினார்.

நாட்டிற்கு மருந்துகளை வழங்கும் செயல்முறை குறித்து மேலும் கருத்து தெரிவித்த அமைச்சர்,

இது ஒரு சிக்கலான செயல்முறை. 2026 ஆம் ஆண்டுக்குள் அரச மருந்தகக் கூட்டுத்தாபனம் 450 வகையான மருந்துகளை வழங்க வேண்டும்.

அந்த 450 மருந்துகளில் 435 மருந்துகளுக்கான கேள்வி பத்திரங்கள் ஏற்கனவே கேராப்பட்டுள்ளனது. இவற்றில் 418 இடங்களுக்கான கொள்முதல் செயல்முறை ஏற்கனவே நிறைவடைந்துள்ளது.

இவற்றில், 325 வகையான மருந்துகள் ஏற்கனவே தேவையான மதிப்பீட்டிற்கு அனுப்பப்பட்டுள்ளன. இலங்கையில் மருந்துத் துறையின் சீரான மற்றும் தொடர்ச்சியான செயல்பாட்டை உறுதி செய்வதற்கு நாங்கள் பல நடவடிக்கைகளை எடுத்துள்ளோம்.

குறிப்பாக, நேற்று, இந்த நாட்டில் மேற்கத்திய மருந்துகளை உற்பத்தி செய்யும் நிறுவனங்கள் மற்றும் மருந்துகளை இறக்குமதி செய்யும் நிறுவனங்களுடன் விரிவான கலந்துரையாடல்களை நடத்தினோம்.

தற்போதைய நிலைமையை நாங்கள் அவர்களுக்கு விளக்கினோம். ஒரு குறிப்பிட்ட காலத்திற்குள் எந்த வகையான மருந்துகளை வழங்கலாம் மற்றும் தயாரிக்கலாம் என்பதை எங்களுக்குத் தெரிவிக்கவும்.

அந்த இலக்குகளை அவர்கள் அடையத் தவறினால், சுகாதார அமைச்சகம் பேச்சுவார்த்தை நடத்தி மருந்துகளை இறக்குமதி செய்வதற்கான செயல்முறையை உருவாக்க வேண்டும்.

இந்த நாட்டின் குடிமக்களுக்கு உயர்தர மருந்துகள் தொடர்ந்து வழங்கப்படுவதை நாங்கள் உறுதி செய்ய விரும்புகிறோம் என்றார்.