பிரான்னிஸ் பெண்ணொருவருக்கு புதியதோர் இரத்த வகை இருப்பதைப் பிரான்ஸ் ஆய்வாளர்கள் கண்டுபிடித்துள்ளனர்.
Guadeloupe எனும் கரீபியத் தீவைச் சேர்ந்த குறித்த பெண்ணுக்கு ‘Gwada negative’ என்று அழைக்கப்படும் புதிய இரத்த வகை கண்டறியப்பட்டுள்ளது.
உலகில் இதுவரை அறியப்பட்டுள்ள 48ஆம் இரத்த வகை அது என்று நம்பப்படுகிறது.
15 ஆண்டுக்கு முன்னர் அறுவைச்சிகிச்சை மேற்கொள்ளவிருந்த பெண் மீது மருத்துவப் பரிசோதனை நடத்தப்பட்டது.
இதன் போது ஆய்வாளர்களுக்கு அவருடைய இரத்த மாதிரி கிடைத்தது.
அந்தப் பெண்ணின் இரத்தத்தில் வழக்கத்துக்கு மாறான நோய் எதிர்ப்புச் சக்திப் புரதம் கண்டுபிடிக்கப்பட்டதாக ஆய்வாளர் ஒருவர் கூறினார்.
ஆனால் அப்போது கூடுதல் ஆய்வுகளை மேற்கொள்ள போதிய வளங்கள் இல்லை என அவர் குறிப்பிட்டுள்ளார்.
2019ஆம் ஆண்டில் ஒரு வகையான DNA சோதனை மூலம் பெண்ணின் இரத்தம் முறையாகச் சோதிக்கப்பட்டது.
உலகில் அந்த இரத்த வகையைக் கொண்ட ஒரே பெண் அவர் மட்டும்தான் என்கின்றனர் விஞ்ஞானிகள்.
