மெல்பேர்னை சேர்ந்த பௌத் தமதகுரு ஒருவர் சிறுவர் பாலியல் துஷ்பிரயோக குற்றச்சாட்டுகள் தொடர்பில் நீதிமன்றத்தில் ஆஜராகியுள்ளார்.1990 முதல் 2000 வரையிலான காலப்பகுதியில் சிறுவர் பாலியல் துஷ்பிரயோகங்களில் ஈடுபட்டார் என்ற குற்றச்சாட்டுகள் தொடர்பிலேயே பௌத்த மதகுரு நீதிமன்றத்தில் ஆஜராகியுள்ளார்.
மெல்பேர்னின் தென்கிழக்கில் உள்ள தம்ம சரண ஆலயத்தின் மடாதிபதியான நாவோடுன்ன விஜித நாணயக்கார தேரர் 16 வயதிற்குட்பட்டவர்களுடன் உடலுறவில் ஈடுபட்டது அநாகரீகமான விதத்தில் நடந்து கொண்டது உட்பட 13 குற்றச்சாட்டுகளை எதிர்கொண்டுள்ளார்.
பொலிஸார் இந்த வாரம் அவருக்கு எதிராக குற்றச்சாட்டுகளை சுமத்தினர். மூவர் பௌத்த மதகுருவிற்கு எதிராக முறைப்பாடு செய்ய முன்வந்துள்ளதாக பொலிஸார் தெரிவித்தனர்.இந்த சம்பவங்கள் 1996 முதல் 2004 வரையிலான காலப்பகுதி யில் குறிப்பிட்ட மதகுரு கெய்ஸ் பொரோ ஆலயத்தில் இருந்த வேளை இடம்பெற்றுள்ளன.தேரர் பல சிறுமிகளிடம் அநாகரீகமான விதத்தில் நடந்துகொண்டார் என பொலிஸ் விசாரணை பிரிவினர் தெரிவித்துள்ளமை நீதிமன்ற ஆவணங்கள் மூலம் தெரியவந்துள்ளது. இந்த நிலையில் பௌத்தம தகுரு காவி உடையுடன் நேற்று வெள்ளிக்கிழமை நீதிமன்றத்தில் ஆஜராகியிருந்தார்.
