இஸ்ரேலிய கொடி மிதிக்கப்படும் காணொளி ஒன்றை இன்ஸ்டாகிராமில் வெளியிட்ட தனியார் கல்லூரி மாணவன் ஒருவர் இலங்கையின் பயங்கரவாதத் தடுப்புச் சட்டத்தின் கீழ் கைது செய்யப்பட்டு விளக்கமறியலில் வைக்கப்பட்டுள்ளார்.
மாவனெல்லாவைச் சேர்ந்த விமானப் போக்குவரத்து மாணவரான 21 வயதான முகமது ரிஃபாய் முகமது சுஹைல் என்பவரே இவ்வாறு கைது செய்யப்பட்டு கடந்த ஒன்பது மாதமாக விளக்கமறியலில் வைக்கப்பட்டுள்ளார்.
மாவனெல்லாவைச் சேர்ந்த விமானப் போக்குவரத்து மாணவரான சுஹைல், தனது தேசிய அடையாள அட்டையை எடுத்துச் செல்லாததற்காக 2024 ஒக்டோபரில் இஸ்ரேலிய தூதரக வளாகத்திற்கு அருகில் தெஹிவாலா கைது செய்யப்பட்டார். பின்னர் அவரது அடையாள அட்டை சமர்ப்பிக்கப்பட்ட பின்னர் நீதிமன்றத்தால் விடுவிக்கப்பட்டார்.
இருப்பினும், நீதிமன்றம் முன்பு அவரை பிணை இல்லாமல் விடுவித்த போதிலும், இன்ஸ்டாகிராம் வீடியோ தொடர்பாக அவர் மீண்டும் கைது செய்யப்பட்டு பயங்கரவாதத் தடைச் சட்டத்தின் கீழ் விளக்கமறியலில் வைக்கப்பட்டார்.
மாணவன் சார்பில் முன்னிலையான வழக்கறிஞர் மாணவர் தொடர்பில் முறையான குற்றச்சாட்டுகள் எதுவும் பதிவு செய்யப்படவில்லை என்றும், குற்றத்திற்கான எந்த ஆதாரத்தையும் பொலிஸார் சமர்ப்பிக்கவில்லை என்றும் தெரிவித்தார்.
இது தொடர்பில் இலங்கை மனித உரிமைகள் ஆணையகத்திற்கு தகவல் தெரிவிக்கப்பட்டுள்ளது. மேலும் மாணவரது குடும்பத்தினரும் முறைப்பாடு அளித்துள்ளனர். குற்றச்சாட்டு இல்லாமல் நீட்டிக்கப்பட்ட விளக்கமறியல் தொடர்பில் உரிமைகள் குழுக்கள் மற்றும் சட்ட வல்லுநர்கள் கவலை தெரிவித்துள்ளனர்.
இந்த நிலையில் மாணவரது வழக்கு இன்று (9) புதன்கிழமை விசாரணைக்கு எடுத்துக்கொள்ளப்படவுள்ளது என்று பொலிஸார் தெரிவித்துள்ளனர்.
