யுத்தத்தின் வெற்றி அல்லது தோல்வி அரசியல்வாதிகளின் பொறுப்பாகும்; எனவே, 2009ஆம் ஆண்டில் யுத்தத்தை வெற்றிகரமாக முடிவுக்கு கொண்டு வந்ததற்கான கௌரவம் முன்னாள் ஜனாதிபதி மஹிந்த ராஜபக்ஷவுக்கே உரியதாகும் என்று ரியர் அட்மிரல் சரத் வீரசேகர தெரிவித்துள்ளார்.
நேற்று (16) கொழும்பு நெலும் மாவத்தையில் அமைந்துள்ள ஸ்ரீலங்கா பொதுஜன பெரமுன தலைமையகத்தில் நடைபெற்ற ஊடகவியலாளர் சந்திப்பில் அவர் இவ்வாறு தெரிவித்தார்.
அவர் மேலும் கூறியதாவது:
“ஒரு யுத்தத்தின் வெற்றி அல்லது தோல்வி இராணுவத்தினரின் மட்டுமல்ல, அரசியல் தலைமைக்குச் சேர்ந்த பொறுப்பாகும். அதனால், 2009ஆம் ஆண்டு பயங்கரவாதத்தை முற்றிலும் ஒழித்து நாட்டில் அமைதியை ஏற்படுத்திய அரசியல்வாதியாக மஹிந்த ராஜபக்ஷவை நாம் கௌரவிக்க வேண்டும்.
அந்தக் காலகட்டத்தில் பல சர்வதேச அழுத்தங்களும் இருந்தபோதிலும், ஜனாதிபதி யுத்தத்தை நிறுத்தாமல் தொடர்ந்ததால் இன்றைய அமைதியான சூழல் உருவானது. அப்போது யுத்தம் நிறுத்தப்பட்டிருந்தால், பயங்கரவாதம் இன்னும் நீடித்திருக்கக் கூடும்,” என அவர் கூறினார்.
அதேவேளை, துப்பாக்கிச் சூட்டுகள் மற்றும் பாதாள குழு நடவடிக்கைகள் குறித்த பிரச்சினைகளில் அரசு மேலும் கவனம் செலுத்த வேண்டும் என்றும் அவர் சுட்டிக்காட்டினார்.
சரத் வீரசேகர மேலும் கூறுகையில், “பாதாள குழு உறுப்பினர்களை கைது செய்யும் நடவடிக்கைகள் முன்னர் பல அரசுகளாலும் எடுக்கப்பட்டன. இன்றைய அரசாங்கமும் இதேபோல சட்டம் மற்றும் ஒழுங்கை நிலைநிறுத்தும் வகையில் செயல்படுகிறது. இதற்காக பொலிஸ் திணைக்களத்துக்கு நன்றி தெரிவிக்கிறோம்,” என்றார்.
