முகப்புத்தக நண்பரை சந்திக்க இலங்கை வந்த இங்கிலாந்து தமிழ்ப்பெண் உயிரிழந்த நிலையில் மீட்பு!

கொழும்பு – கல்கிஸையில் உயிரிழந்த தமிழ் யுவதி தொடர்பில் பொலிஸ் விசாரணைகள் ஆரம்பமாகியுள்ளன.பேஸ்புக் மூலம் ஏற்பட்ட நட்பால் இலங்கை இளைஞரின் அழைப்பின்
பேரில் இங்கிலாந்திலிருந்து இலங்கை வந்த தமிழ் யுவதியே உயிரிழந்துள்ளார்.

யுவதியும் இளைஞரனும் கல்கிஸை – அல்விஸ் பிளேஸில் உள்ள ப்ளுர ஓஷன் தொடர் மாடியில் தங்கியிருந்த நிலையில் நேற்று அதிகாலை 2 மணியளவில் குறித்த யுவதி 13ஆவது மாடியில் இருந்து கீழே விழுந்துள்ளார் என்று கல்கிஸைப் பொலிஸார் தெரிவித்துள்ளனர்.

27 வயதுடைய சின்னையா அழகேஸ்வரன் ரொமினா என்ற இளம் யுவதியே உயிரிழந்துள்ளார். இந்த யுவதி இன்று மீண்டும் இங்கிலாந்து செல்லவிருந்தார் எனவும் பொலிஸார் தெரிவித்துள்ளனர்.சம்பவம் தொடர்பில் உயிரிழந்த வருடன் பேஸ்புக் ஊடாக உறவைப் பேணிய இளைஞர் பொலிஸாரால்கைதுசெய்யப்பட்டுள்ளார். அவர் சட்டக் கல்லூரி மாணவன் எனவும் பொலிஸார் குறிப்பிட்டுள்ளனர்.கல்கிஸை பதில் நீதிவான் திருமதி ரத்னா கமகே விசாரணைகளை மேற் கொண்டார். மேலதிக விசாரணைகளை கல்கிஸை பொலிஸார் மேற்கொண்டு வருகின்றனர்.