இலங்கை ரூபாய்க்கு நிகரான அமெரிக்க டொலரின் விற்பனை விலை இன்று (20) 342 ரூபாயைத் தாண்டியுள்ளது.
இலங்கை மத்திய வங்கி இன்று வெளியிட்டுள்ள தினசரி உத்தியோகபூர்வ நாணய மாற்று வீத அறிவிப்பின்படி, அமெரிக்க டொலர் ஒன்றின் கொள்வனவு விலை 332.08 ரூபாயாகவும், விற்பனை விலை 342.70 ரூபாயாகவும் பதிவாகியுள்ளது.
நேற்று (19) அமெரிக்க டொலர் ஒன்றின் கொள்வனவு விலை 328.23 ரூபாயாகவும், விற்பனை விலை 338.07 ரூபாயாகவும் பதிவாகியிருந்த நிலையிலேயே, இன்று டொலரின் மதிப்பு திடீரென உயர்வடைந்துள்ளது.
இதேவேளை, இன்றைய தினம் நாட்டின் முன்னணி அரச வங்கி ஒன்றில் அமெரிக்க டொலர் ஒன்றின் கொள்வனவு விலை 335.65 ரூபாயாகக் குறிப்பிடப்பட்டுள்ளதுடன், அதன் விற்பனை விலை 345.20 ரூபாயாகப் பதிவாகியுள்ளமை குறிப்பிடத்தக்கது.
