2026 ஆம் ஆண்டின் முதல் நான்கு மாதங்களில் (ஜனவரி – ஏப்ரல்) இலங்கையின் தேங்காய் மற்றும் தேங்காய் சார்ந்த தயாரிப்புகளின் ஏற்றுமதி வருவாய், கடந்த வருடத்துடன் ஒப்பிடுகையில் 21.38% இனால் அதிகரித்து, 406.28 மில்லியன் அமெரிக்க டாலர்களாக உயர்வடைந்துள்ளது.
இலங்கை ஏற்றுமதி மேம்பாட்டுச் சபையின் (EDB) தரவுகளின்படி, தேங்காய் கைத்தொழில் துறையின் பல்வேறு உப-பிரிவுகளும் சர்வதேச சந்தையில் அசுர வளர்ச்சியைப் பதிவு செய்துள்ளன.
உலர்ந்த தேங்காய் சர்வதேச சந்தைக்கான இதன் விநியோகம் 38.8% இனால் உயர்வடைந்துள்ளது.
ஆக்டிவேட்டட் கார்பன் தேங்காய் சிறட்டை கரி மூலமாக உற்பத்தி செய்யப்படும் ஆக்டிவேட்டட் கார்பன் ஏற்றுமதியானது 49.38% என்ற மிகக் கணிசமான வளர்ச்சியைப் பதிவு செய்துள்ளது.
இலங்கையின் பாரம்பரியத் தேங்காய் ஏற்றுமதி முறையிலிருந்து விலகி, உலகளாவிய சந்தையின் தேவைக்கு ஏற்ப அதிக மதிப்பு கூட்டப்பட்ட தயாரிப்புகளை ஏற்றுமதி செய்யும் உத்திக்கு மாறியமையே இந்தத் திடீர் பொருளாதார வளர்ச்சிக்குப் பிரதான காரணமாகும்.
சர்வதேச சந்தையில் இலங்கைத் தயாரிப்புகளுக்கு நிலவும் பலத்த போட்டித்தன்மை மற்றும் தரமான உற்பத்தி முறைகள் காரணமாக, தேங்காய் சார்ந்த கைத்தொழில்துறை நாட்டின் முக்கிய அந்நியச் செலாவணி ஈட்டும் துறையாக உருவெடுத்து வருகின்றமை இத்தரவுகள் மூலம் பிரதிபலிக்கிறது.
