இலங்கை ஏற்றுமதிப் பொருட்களுக்கு அமெரிக்கா விதிக்க திட்டமிட்டிருந்த 12.5 சதவீத கூடுதல் சுங்க வரி, 10 சதவீதமாகக் குறைக்கப்பட்டுள்ளதாக அமெரிக்காவுக்கான இலங்கைத் தூதுவர் மஹிந்த சமரசிங்க தெரிவித்துள்ளார்.
இலங்கை அரசாங்கம் மற்றும் பேச்சுவார்த்தைக் குழுவின் ஒருங்கிணைந்த முயற்சிகள், ஜனாதிபதியின் வழிகாட்டல், நிதி அமைச்சின் செயலாளர் ஹர்ஷன சூரியப்பெரும தலைமையிலான குழுவின் தீவிர பேச்சுவார்த்தைகள் மற்றும் வாஷிங்டனில் உள்ள இலங்கைத் தூதரகத்தின் தொடர்ச்சியான ஒருங்கிணைப்பு நடவடிக்கைகள் இந்த சாதகமான முடிவுக்கு காரணமாக அமைந்ததாக அவர் குறிப்பிட்டுள்ளார்.
கட்டாய உழைப்பில் தயாரிக்கப்பட்ட பொருட்கள் தொடர்பான நடவடிக்கைகளின் பின்னணியில், அமெரிக்கா 60 வர்த்தக பங்காளி நாடுகளுக்கு புதிய சுங்க வரிகளை அறிவித்துள்ளது. இதன்படி, இலங்கை, இந்தியா, பாகிஸ்தான், மலேசியா, கனடா மற்றும் அர்ஜென்டினா உள்ளிட்ட நாடுகளுக்கு 10 சதவீத சுங்க வரி விதிக்கப்பட்டுள்ளதுடன், ஜப்பான் மற்றும் அவுஸ்திரேலியாவுக்கு 12.5 சதவீத சுங்க வரி விதிக்கப்பட்டுள்ளது.
அமெரிக்காவின் இந்த புதிய சுங்க வரி நடவடிக்கைக்கு ஜப்பான் ஆழ்ந்த வருத்தம் தெரிவித்துள்ளதுடன், அவுஸ்திரேலியா இதை நியாயமற்ற முடிவு என விமர்சித்துள்ளது. உலக வர்த்தகத்தில் புதிய பதற்றத்தை ஏற்படுத்தியுள்ள இந்த நடவடிக்கை தொடர்பாக பாதிக்கப்பட்ட நாடுகள் தொடர்ந்து தங்களது நிலைப்பாடுகளை வெளிப்படுத்தி வருகின்றன.
