சர்வதேச சந்தையில் கச்சா எண்ணெய் விலை இன்று (27) குறிப்பிடத்தக்க அளவில் வீழ்ச்சியடைந்துள்ளது. மத்திய கிழக்கில் நிலவி வந்த பதற்றம் குறையக்கூடும் என்ற எதிர்பார்ப்பு இந்த விலைச் சரிவுக்கு முக்கிய காரணமாகக் கருதப்படுகிறது.
ஈரான் தொடர்பான இராணுவ நடவடிக்கைகளை அமெரிக்க ஜனாதிபதி டொனால்ட் ட்ரம்ப் தற்காலிகமாக இடைநிறுத்தியுள்ளதாக வெளியான தகவல்கள், பிராந்தியத்தில் தூதரக ரீதியிலான பேச்சுவார்த்தைகளுக்கு வாய்ப்பளிக்கும் என்ற நம்பிக்கையை உருவாக்கியுள்ளது.
இதன் தாக்கமாக, பிரெண்ட் (Brent) ரக கச்சா எண்ணெய் பீப்பாய் ஒன்றின் விலை 5.77 சதவீதம் குறைந்து 92.02 அமெரிக்க டொலராக பதிவாகியுள்ளது.
அதேவேளை, வெஸ்ட் டெக்சாஸ் இன்டர்மீடியட் (WTI) ரக கச்சா எண்ணெய் பீப்பாய் ஒன்றின் விலை 5.50 சதவீதம் சரிந்து 84.40 அமெரிக்க டொலராக காணப்படுகிறது.
மேலும், மேர்பன் ரக கச்சா எண்ணெய் விலையும் 10.12 சதவீதம் வீழ்ச்சியடைந்து, ஒரு பீப்பாய் 97.05 அமெரிக்க டொலராக வர்த்தகம் செய்யப்பட்டு வருவதாக சர்வதேச சந்தைத் தகவல்கள் தெரிவிக்கின்றன.
