சுரங்க அகழ்வு அனுமதிப்பத்திரங்களை வழங்கியமை மற்றும் பாஸ்பேட் நிறுவனம் ஒன்றிடமிருந்து இலஞ்சம் பெற்றதாகக் கூறப்படும் சம்பவங்கள் தொடர்பில் முன்னெடுக்கப்படும் விசாரணைகளுக்காக, நாடாளுமன்ற உறுப்பினர் சாமர சம்பத் தசநாயக்க நாளை (12) இலஞ்ச ஊழல் விசாரணை ஆணைக்குழுவில் (CIABOC) ஆஜராகுமாறு அழைக்கப்பட்டுள்ளார்.
குறித்த சம்பவங்கள் தொடர்பில் முன்னெடுக்கப்பட்டு வரும் விசாரணைகளின் ஒரு பகுதியாகவே அவர் ஆணைக்குழுவில் ஆஜராகுமாறு அழைப்பு விடுக்கப்பட்டுள்ளதாகத் தெரிவிக்கப்படுகிறது.
இந்நிலையில், சாமர சம்பத் தசநாயக்கவிடம் நாளை விசாரணைகள் முன்னெடுக்கப்படவுள்ளன.
எனினும், அவர் மீதான குற்றச்சாட்டுகள் தொடர்பில் விசாரணைகளின் இறுதி முடிவுகள் வெளியாகாத நிலையில், குற்றச்சாட்டுகள் நிரூபிக்கப்பட்டதாகக் கருத முடியாது.
