செயற்கை நுண்ணறிவு (AI) மற்றும் எடிட்டிங் கருவிகளைப் பயன்படுத்திப் போலியான பணப் பரிமாற்ற ரசீதுகளைத் தயாரித்து, பணம் செலுத்தாமல் பொருட்கள் மற்றும் சேவைகளைப் பெற்றுக்கொள்ளும் மோசடிகள் தொடர்பில் இலங்கை பொலிஸார் எச்சரிக்கை விடுத்துள்ளனர்.
பொலிஸாரின் அறிவிப்பின்படி, மோசடிக்காரர்கள் பொருட்கள் அல்லது சேவைகளைப் பெற்றுக்கொள்வதற்காகப் பணம் செலுத்திவிட்டதாகக் கூறி, வாட்ஸ்அப் மற்றும் மெசஞ்சர் ஊடாகப் போலி ரசீதுகளை அனுப்புகின்றனர்.
இந்த ரசீதுகளில் கணக்கு இலக்கம், பரிவர்த்தனை நேரம், பெயர் மற்றும் பணத் தொகை உள்ளிட்ட உண்மையானவை போன்று தோன்றும் விவரங்கள் இடம்பெறுவதால், விற்பனையாளர்கள் ஏமாறும் அபாயம் காணப்படுகின்றது.
பணம் உண்மையில் கணக்கில் வரவு வைக்கப்பட்டுள்ளதா என்பதைச் சரிபார்ப்பதற்கு முன்னரே பொருட்களை ஒப்படைக்குமாறும் சேவைகளை வழங்குமாறும் மோசடிக்காரர்கள் வற்புறுத்துவதாகத் தெரிவிக்கப்பட்டுள்ளது.
எனவே, விற்பனையாளர்கள் மற்றும் சேவை வழங்குநர்கள், ரசீது அல்லது திரைப்பிடிப்பை மட்டும் நம்பாமல், தமது வங்கிக் கணக்கில் பணம் வரவு வைக்கப்பட்டுள்ளதை உறுதிப்படுத்திய பின்னரே பொருட்களை ஒப்படைக்கவோ சேவைகளை வழங்கவோ வேண்டும் என பொலிஸார் வலியுறுத்தியுள்ளனர்.
